ဆင့်ကဲဖြစ်စဉ် ရှုထောင့်မှ ဗီဇဆင့်ပွားခြင်း (Gene Duplication)

 ဗီဇဆင့်ပွားခြင်း ဖြစ်ပေါ်ပုံ

                ဗီဇဆင့်ပွားခြင်း ဖြစ်စဉ်သည် ဒီအန်အေတစ်ခုတည်းတွင် ချွတ်စွပ်တူညီသော (သို့) မူကွဲဗီဇ အစုံများ မှားယွင်းပွားများမိခြင်း ဖြစ်သည်။ ခန္ဓာဆဲလ်နှင့် မျိုးဂမိဆဲလ် နှစ်မျိုးလုံးတွင် ဗီဇဆင်ပွားမှု ဖြစ်နိုင်သည်။ ခန္ဓာဆဲလ်တွင် ဖြစ်ပေါ်သော ဗီဇဆင့်ပွားမှုသည် နောက်မျိုးဆက်ကို ဆက်လက် သယ်ဆောင်မည်မဟုတ်ပေ။ သို့သော် မျိုးဂမိဆဲလ်တွင် ဖြစ်ပွားသော ဗီဇဆင့်ပွားမှုများမူ မျိုးဆက်သစ်များတွင် ဆက်လက် သယ်ဆောင်လာမည် ဖြစ်သည်။ ဗီဇတစ်ဆပါသော ဂမိဆဲလ်များ ဖြစ်လာရန် ဗီဇနှစ်ဆပါသော ဂမိဆဲလ်လောင်းများက မိုင်ယိုးဆစ် ဆဲလ်ကွဲနည်းဖြင့် ပွားရသည်။ မိုင်ယိုးဆစ် ဆဲလ်ကွဲနည်းတွင် မူကွဲ ခရိုမိုဆုမ်း အစုံချင်း ဗီဇများ လဲလှယ်ကြသည်။ သို့သော် တခါတရံတွင် အဝေမတည့်သော ဗီဇအလဲအလှယ် (Unequal Crossing Over) ဖြစ်စဉ်မျိုး၌ ခရိုမိုဆုမ်းတစ်ခုက ဗီဇ အမျိုး ၁ဝဝ အလဲအလှယ် လုပ်ချိန်တွင် နောက် တစ်ခုက ဗီဇ အမျိုး ၁၂ဝ အလဲအလှယ် လုပ်သည် ဆိုပါစို့။ ဖြစ်လာမည့် ဂမိဆဲလ်နှစ်ခုအနက် တစ်ခုသည် ဗီဇအခု ၂ဝ ဆုံးရှုံးသွားပြီး နောက်တစ်ခုတွင် ရှိပြီးသား ဗီဇအမျိုး ၂ဝနှင့် ဆင်တူသော ဗီဇ ၂ဝ အပို ပါရှိလာကြသည်။

မျက်စိဆင့်ကဲပေါ်ပေါက်ပုံ

မျက်လုံးသည် လျင်မြန်စွာ လှုပ်ရှားတတ်သော သတ္တဝါများကို ဖမ်းယူစားသောက်ရန် မရှိမဖြစ် လိုအပ်လှသည်။ မျက်လုံးပေါ်ပေါက်လာမှုသည် သားရဲတို့၏ စွမ်းရည်ကို များစွာ တိုးတက်စေပြီး ဇီဝမျိုးကွဲမှုကို လျင်မြန်အောင် စွမ်းဆောင်နိုင်သည်ဟု ယူဆသော သိပ္ပံပညာရှင်တို့ပင် ရှိကြသည်။

          မျက်လုံး၏ မူလအင်္ဂါသည် ဆဲလ်တစ်ခုတည်း သက်ရှိများတွင်ပင်ရှိသည်။ အလင်းနှင့် ထိတွေ့ခြင်းကြောင့် ဖြစ်ပေါ်လာသော ဓာတ်ပြောင်းလဲမှုက ဆဲလ်ကို အလင်းနှင့် ဝေးရာ သို့မဟုတ် အလင်းရှိရာသို့ သွားအောင် ထိန်းချုပ်သည့် ယန္တရားရှိသည်။ နေရောင်သုံး အစာချက်သည့် ဘတ်တီးရီးယားတို့သည် အလင်းကို ထောက်လှမ်းနိုင်မှ အောင်မြင်ပေမည်။ ဗဟုဆဲလ် သတ္တဝါများတွင် ရှေးအကျဆုံး အလင်းခံစားနိုင်သည့် အင်္ဂါများများ အရေပြားမျက်စိ (Eyespot) များဖြစ်သည်။ တုတ်ပြားတို့တွင် တွေ့ရတတ်သည်။ ၎င်းတို့သည်လည်း နာဗ်များနှင့် ဆက်သွယ်ထားသော အလင်းကို ထောက်လှမ်းနိုင်သည့် ရောင်ခြယ်ပစ္စည်းများ ပါသော အရေပြားဆဲလ် အစုအဝေးများသာဖြစ်ပြီး အလင်းနှင့် အမှောင်သာ ခွဲခြားနိုင်သည်။ အလင်းလာသည့် အရပ်နှင့် ပုံရိပ်တို့ကို မသိနိုင်ပေ။

အာရုံကြောစနစ် ဆင့်ကဲဖြစ်စဉ်

           ဘတ်တီးရီးယား၏ အမြှေးပါးတွင် ၎င်းအနီးမှ ဓာတုပစ္စည်းများနှင့် ဓာတ်ပြုနိုင်သော လက်ခံပရိုတင်းများ ရှိသည်။ အဆိုပါ ဓာတ်ပြုမှုများသည် ဆဲလ်ရည်ကြည်တွင် ကွင်းဆက်ဓာတ်ပြုမှုများ ဆက်လက်ဖြစ်ပေါ်စေသည်။ ဤဓာတ်ပြုမှုများကြောင့် ဘတ်တီးရီးယား၏ ဆဲလ်အမြီးတွင် ပြောင်းလဲမှုများ ဖြစ်ပေါ်စေလျက် အစာရှိရာသို့လည်းကောင်း အဆိပ်မှ ဝေးရာသို့လည်းကောင်း ပဲ့ကိုင်ပေးနိုင်သည့် ယန္တရားရှိသည်။ ဤဖြစ်စဉ်ကို ဓာတုအာရုံ (Chemotaxis) ဟုဆိုမည်။ ရှေးအလွန်ကျသော ဆဲလ်မွေးယူကာရုတ် (ဆီလီယိတ်-Ciliate) များတွင်မူ ဤဓာတုအာရုံအပြင် နောက်ထပ် အာရုံ တစ်မျိုးတိုးလာသည်ကို တွေ့ရသည်။ ပါရာမေစီယမ် (Paramecium) ခေါ် ဆီလီယိတ်သည် ၎င်း၏ ဆဲလ်မွေးများကို ရှေ့နောက် ခတ်ခြင်းဖြင့် ရေကူးရသည်။ ၎င်း၏ ဦးတည်ရာဖက် (ခေါင်းပိုင်း) သည် အတားအဆီး (ဥပမာ ကျောက်ခဲ) တစ်ခုနှင့် ထိတွေ့ခဲ့သော် ၎င်း၏ဆဲလ်အမြှေးပါး တင်းအားသည် ရုတ်ချင်း မြင့်သွားပြီး လျှပ်စစ်ဓာတ် ထွက်ပေါ်လာသည်။ အဆိုပါ လျှပ်စစ်သည် ဆဲလ်အမြှေးပါးတစ်လျှောက် ဆဲလ်အနောက်ပိုင်းသို့ ဦးတည်၍ စီးဆင်းသွားပြီး ဆဲလ်မွေးများကို ပြောင်းပြန်လှော်ခတ်စေခြင်းဖြင့် အတားအဆီး၏ ဆန့်ကျင်ရာဖက်သို့ ရွေ့သည်။ ဤသည်မှာ ထိတွေ့ အာရုံတစ်မျိုးဖြစ်ပြီး နောင်သတ္တဝါများတွင် ဖြစ်လာမည့် အာရုံကြောယန္တရားသည် အဆိုပါ လျှပ်စစ်ဓာတ် ထုတ်လုပ်မှုမှ လာသည်။ ယူကာရုတ်ဆဲလ်တို့ မည်သို့ လျှပ်စစ်ထုတ်သည်ကို ဆက်လက် လေ့လာကြပါစို့။

မလျှော့ချနိုင်သော ရှုပ်ထွေးမှု (Irreducible Complexity)

           မလျှော့ချနိုင်သော ရှုပ်ထွေးမှု ဟူသည်ကား ဖန်ဆင်းရှင်ဝါဒီတို့၏ ဥာဏ်ကြီးရှင် ဒီဇိုင်နာလှုပ်ရှားမှု၏ အရေးအကြီးဆုံး အစိတ်အပိုင်းဖြစ်ပေသည်။ ကမ္ဘာလောကကြီးကို ဘုရားသခင်က ဖန်ဆင်းသည်ဟု ယုံကြည်အပ်သော ဖန်ဆင်းရှင် ဝါဒီတို့အနေဖြင့် လောကကြီးသည် စနစ်ကျလှသည်။ ဒီဇိုင်းအကြီးကြီး တစ်ခုအောက်တွင် လှုပ်ရှားလည်ပတ်နေသည်။ အဆိုပါ ဒီဇိုင်းသည် ပရမ်းပတာ သဘာဝအလျောက် မဖြစ်လာနိုင်။ ဖန်ဆင်းရှင် ဘုရားရှင်က ဖန်ဆင်းတော်မူ၍သာ ဖြစ်လာနိုင်ပေသည်ဟု ယူဆကြသည်။ ၎င်းတို့က လောက၏ဒီဇိုင်း ဆိုရာ၌ သက်ရှိဇီဝ၏ ဆင့်ကဲပေါ်ပေါက်ပုံကို တင်ပြအပ်သော အီဗော်လျူးရှင်းသီအိုရီကို မဖြစ်နိုင် မှားယွင်းသည်ဟု ငြင်းချက်ထုတ်လာသည်။ သက်ရှိတို့တွင် မလျှော့ချနိုင်သော ရှုပ်ထွေးမှု ရှိသည်ဟု ထင်မြင်လာသည်။ မလျှော့ချနိုင်သော ရှုပ်ထွေးမှုဟူသော အသုံးအနှုန်းကို ဆောင်းပါးရှင် နှစ်ကြိမ် သုံးပြီးဖြစ်သည်။ အဘယ်အဓိပ္ပာယ်နည်းကိုမူ မရှင်းပြရသေး။

           မလျှော့ချနိုင်သော ရှုပ်ထွေးမှုဆိုသည်မှာ ဇီဝသက်ရှိတို့၏ အင်္ဂါစနစ်များ၊ ဇီဝကမ္မစနစ်များတွင် ၎င်းစနစ်၏ အစိတ်အပိုင်းလေး တစ်ခုကိုပင် ဖယ်ပစ်စေဦး ၎င်း၏မူလ လုပ်ငန်းစဉ် ပျက်စီးသွားစေနိုင်သော ရှုပ်ထွေးမှုတစ်ရပ်ဖြစ်သည်။ သို့ဖြစ်၍ အဆိုပါ အစိတ်အပိုင်း တစ်ခုချင်းစီ ဆင့်ကဲပေါ်ပေါက်လာရန် မဖြစ်နိုင်ဟု ဆိုကြသည်။ စင်စစ်လည်း ၎င်းသည် ဇီဝစနစ်များတွင် အလွန် အတွေ့ရများသော လက္ခဏာတစ်ခု ဖြစ်ကြသည်။ အို ဒါဝင် ခင်ဗျား မှားသွားပြီဖြစ်သည်။ မလျှော့ချနိုင်အောင် ရှုပ်ထွေးသည့် စနစ်များ သည် ဆင့်ကဲဖြစ်ပေါ်ရန် မဖြစ်နိုင်။ သက်ရှိတို့တွင် ဤစနစ်များစွာရှိသည်။ သို့ဖြစ်၍ သင်ပြောသကဲ့သို့ သက်ရှိ ဇီဝသည် ဆင့်ကဲဖြစ်ပေါ်ခြင်း မဖြစ်နိုင်။ အဖဘုရားသခင်မှ ဖန်ဆင်းတော်မူမှ ဖြစ်ပေမည်။ အဖဘုရားသခင်၏ တန်ခိုးတော်သည် ကြီးမြတ်တော်မူလှပေသည်။ ဟာလေလူးယား ဟာလေလူးယား !!!

ပြီးပြတ်သွားပါပြီလော။ ဒါဝင်၏ သီအိုရီသည် တက်တက်စင်မှား သွားပါပြီလော?? ဆက်လက် ရှုစားပါ။

သက်မဲ့ရုပ်မှ သက်ရှိဖြစ်ပေါ်ခြင်း - ဇီဝအစ အဇီဝ သီအိုရီ

                 သက်ရှိဇီဝသည် လွန်ခဲ့သော နှစ် သန်း ၄၁ဝဝ ခန့်တွင် ကမ္ဘာဂြိုဟ်အနေဖြင့် ရေကို အရည်အဖြစ် ရပ်တည်ခွင့်ပေးလာ ကတည်းက ရေကြားခံတွင် ကာဗွန်နှင့် နိုက်ထရိုဂျင် ဒြပ်ပေါင်းများ ဓာတ်ပြုခြင်းကြောင့် ဖြစ်ပေါ်လာခဲ့သည်။ ဤကာဗွန်ဒိုင်အောက်ဆိုဒ်၊ မီသိန်း အစရှိသော ရုပ်မော်လီကျူးတို့သည် မည်သည့် သဘာဝလွန် တန်ခိုးရှင် ပုဂ္ဂိုလ်၏ ပယောဂမှ မပါပဲ၊ မည်သည့် သဘာဝလွန် အကြောင်းအရားများမှ မပါပဲ၊ ဓာတုဗေဒ သဘောအစစ်အမှန်ဖြင့် သကြား၊ အဆီ၊ အမီနိုအက်ဆစ် စသည့် ဇီဝအခြေခံမော်လီကျူးများ ဖြစ်လာပြီး တစ်ခုနှင့် တစ်ခု ယှဉ်ပြိုင်ခြင်း (Competition)၊ ပတ်ဝန်းကျင်နှင့် လိုက်လျောညီထွေ ရှိမှု (Adaptation) ဟူသော အမှတ်ဖြင့် သဘာဝအလျောက် စစ်ထုတ်ရွေးချယ်သည့် ယန္တရား (Natural Selection)၊ အသစ်ဖောက်ပြန်ပေါ်ပေါက်ခြင်း (Mutation)တည်းဟူသော သဘောတရားများအရ ရှုပ်ထွေးသော ဆဲလ်များ ဖြစ်ပေါ်လာသည် အထိပင်ဖြစ်သည်။ ဤသို့ဆိုလျှင် စာရှုသူအချို့အနေဖြင့် ဇီဝသည် မလျှော့ချနိုင်လောက်အောင် ရှုပ်ထွေးမှု (Irreducible Complexity) ဟု ရှုမြင်လိမ့်မည်။ အဇီဝမော်လီကျူးများမှ ဇီဝသက်ရှိနှင့် လူသားများ အထိ အဆင့်ဆင့် ပြောင်းလဲလာသည် (မှတ်ချက်။ တိုးတက်လာခြင်းမဟုတ်ပါ။ ဖြေရှင်းချက်ကို "ဆင့်ကဲဖြစ်စဉ် သီအိုရီနဲ့ ပတ်သက်လို့ အထင်အမြင်လွဲမှားမှုများ" http://www.kyawzwarlynn.blogspot.com/2012/01/blog-post.html (အလွဲ ၂) တွင် ရှုစားနိုင်ပါသည်။) ဆိုသည်မှာ ယုတ္တိမတန်ဟု ထင်ကောင်းထင်မည်ဖြစ်သည်။ သို့ဆိုလျှင်  အောက်တွင် ဖော်ပြထားသည့်  အကြမ်းဖျင်း အဆင့် (၁၂)ဆင့်သာ ရှိသည့် အဇီဝအစ ဇီဝ အယူအဆ (Abiogenesis) ကို အစွဲအလွဲကင်းရှင်းစွာဖြင့် ဖတ်ရှုနိုင်ရန် မျှော်လင့်မိပါသည်။

ဆင့်ကဲဖြစ်စဉ် သီအိုရီနဲ့ ပတ်သက်လို့ အထင်အမြင်လွဲမှားမှုများ

ဆင့်ကဲဖြစ်စဉ် သီအိုရီနဲ့ ပတ်သက်လို့ အထင်အမြင်လွဲမှားမှုများ

လူအများဟာ ဆင့်ကဲဖြစ်စဉ် သီအိုရီနဲ့ ပတ်သက်လို့ အယူအဆအလွဲများ ရှိနေတာ တွေ့ ရပါတယ်။ တစ်ချို့ဟာတွေကတော့ လေ့လာရင်းနဲ့ ချော်ထွက်သွားတဲ့ အလွဲလေးတွေသာဖြစ်ပေမယ့် တစ်ချို့ဟာတွေကတော့ သီအိုရီရဲ့ နဂိုအယူအဆကိုပင် ကာဆီးတဲ့ အလွဲတွေ ဖြစ်လာနိုင်ပါတယ်။




အလွဲ ၁ ။ ဆင့်ကဲဖြစ်စဉ် သီအိုရီဟာ ဇီဝသက်ရှိရဲ့ မူလအစကို ဖော်ပြတဲ့ သီအိုရီ ဖြစ်တယ်

ဆင့်ကဲဖြစ်စဉ် သီအိုရီဟာ ဇီဝသက်ရှိ စတင်ဖြစ်ပေါ်ပြီး ဘယ်လို ဆက်လက်ပြောင်းလဲသလဲဆိုတာကို လေ့လာတာဖြစ်တယ်။ သိပ္ပံပညာအနေနဲ့ သက်ရှိရဲ့မူလအစကို လေ့လာတာ မှန်ပါတယ်။ ဒါပေမယ့် ဒါဟာ ဆင့်ကဲဖြစ်စဉ် သီအိုရီရဲ့ အနှစ်သာရ မဟုတ်ပါဘူး။ သက်ရှိ ဇီဝဟာ ဒေဝတစ်ပါးက ဖန်ဆင်းသည်ဖြစ်စေ၊ အာကာသမှ ရောက်လာသည်ဖြစ်စေ၊ ပင်လယ်အောက်ကြမ်းပြင်က ချော်မီးတောင်ငယ်များမှ စသည် ဖြစ်စေ၊ စချင်သလို စနိုင်တယ်။ ဆင့်ကဲဖြစ်စဉ်ဟာ ဒီဖြစ်လာတဲ့ ဇီဝ ဘယ်လို ပြောင်းလဲသလဲ။ ဘယ်လို မျိုးစိတ်တွေဖြစ်လဲ။ ဘယ်လိုမျိုးခွဲသလဲ။ ဆိုတဲ့ နောက်ဆက်တွဲ ဖြစ်စဉ်တွေကို သာ ဦးစားပေးလေ့လာတာဖြစ်ပါတယ်။ 

ယဉ်ကျေးမှု ဓလေ့များရဲ့ မူလအစနဲ့ သဘာဝ

ယဉ်ကျေးမှုရဲ့ အဓိပ္ပာယ်
ယဉ်ကျေးမှု (Culture) ဆိုတာဟာ သက်ရှိတစ်ခုခုရဲ့ အပြုအမူတွေကို စုဝေးခေါ်ဆိုတာ ဖြစ်ပြီး အဲဒီ့အပြုအမူတွေဟာ သဘာဝ ဗီဇ အသိကနေ ဖြစ်ပေါ်လာတာ မဟုတ်ပဲ မွေးလာပြီးမှ သင်ယူရရှိလာတဲ့ အပြုအမူ အသိတွေပဲ ဖြစ်တယ်လို့ ဆိုနိုင်ပါတယ်။

ဘယ် သက်ရှိတွေမှာ ယဉ်ကျေးမှုကို တွေ့ရသလဲ
အပြုအမူတွေကို မွေးရာပါအသိထက်ချဲ့ထွင် တတ်ဖို့ဆိုတာဟာ မတော်တဆ လုပ်ဆောင်ချက်တွေ၊နဲ့ စိတ်ကူးဥာဏ်ကွန့်မြူးမှု အပေါ်မှာ လုံးလုံးလျားလျား မှီခိုရတဲ့အတွက် အာရုံကြောတစ်ရှုးများပြီး ဆင်ခြင်ဥာဏ် သုံးတတ်တဲ့ သတ္တဝါ အနည်းငယ်မှာသာ တွေ့ ရပါတယ်။ အထူးသဖြင့် ပရိုင်းမိတ် မျိုးနွယ်တွေမှာပေါ့။