ဘူမိသမိုင်းကာလကို ခြုံငုံကြည့်ခြင်း

          ကမ္ဘာဂြိုဟ်၏ သက်တမ်းသည် နှစ်သန်းပေါင်း ၄၅ဝဝကျော်ပြီဖြစ်သည်။ ထိုနှစ်သန်းပေါင်း ၄၅ဝဝ ကျော်အတွင်း ကျွန်ုပ်တို့ လက်ရှိနေထိုင်ရာ ဂြိုဟ်သည် မည်ကဲ့သို့ရှိမည်နည်း။ ကမ္ဘာဂြိုဟ်သည် နေစနစ် စတင်ပေါ်ပေါက်လာစဉ် ကတည်းက အာကာသဖုန်မှုန်များ စုစည်းလျက် ဖြစ်တည်လာခြင်းမှ စတင်ခဲ့သည်။ ဤကာလကိုပင် နှစ်သန်း ၄၅ဝဝကျော်ကဟု ခန့်မှန်းထားခြင်း ဖြစ်သည်။ ထိုကာလအတွင်း ကမ္ဘာသည် ချော်ရည်များနှင့် အတိပြီးခဲ့လေရာ လေ့လာစရာ ကျောက်နမူနာ မကျန်ခဲ့ပေ။ ပူပြင်းလှသောကြောင့် ဂရိမြေအောက် နတ်ဘုရား ဟေးဒီးစ် (Hades) ကိုအစွဲပြုလျက် ဟေဒီယန် (Hadean) ကာလဟု ဘူမိဗေဒပညာရှင်တို့ သမုတ်ကြသည်။ အဆိုပါ ကာလအတွင်း ကမ္ဘာသည် အခြား ဂြိုဟ်တစ်ခုနှင့် တိုက်မိပြီး လွင့်စင်လာသော အပိုင်းအစများမှ လ ကိုဖြစ်ပေါ်စေခဲ့သည်။ ပူပြင်းသော ချော်ရည်ကမ္ဘာ၏ မျက်နှာပြင်သည် အေးမြလာပြီး အစိုင်အခဲ အပေါ်ခွံအလွှာ ဖြစ်တည်လာခဲ့သည်။ ရေငွေ့သည်လည်း အရည်အဖြစ် သမုဒ္ဒရာများ အနေဖြင့် မျက်နှာပြင်သို့ ရောက်ရှိလာခဲ့သည်။ ဟေဒီယန်ကာလနှောင်းပိုင်းက စတင်၍ သက်ရှိဇီဝ ဖြစ်ပေါ်သည့် အထောက်အထားများ တွေ့ရှိရသည်။

          အာခီယန်ကာလ (Archean Eon) သည် လေ့လာစရာ ကျောက်နမူနာများ စတင်ကျန်ရစ်သည့် ဘူမိကာလဖြစ်ပြီး ဆဲလ်တစ်ခုတည်းဇီဝများ လုံဝဥဿုံ ကြီးစိုးသော ခေတ်ကာလ ဖြစ်သည်။ ဆဲလ်များမှာ ဘတ်တီးရီးယားကဲ့သို့ အရွယ်သေးငယ် ရိုးရှင်းသော ဆဲလ်များဖြစ်သည်။ နေရောင်သုံး အစာချက်သည့် ဘတ်တီးရီးယားမှ လွှတ်ထုတ်သော အောက်ဆီဂျင်ကြောင့် ကမ္ဘာ့လေထုနှင့် ရေထုသို့ အောက်ဆီဂျင် ပထမဆုံး ပျံ့နှံ့လာသော ခေတ်လည်းဖြစ်သည်။ ထိုကာလအတွင်း လိပ်သည်းကျောက်ထုထည်ကြီးများ စတင်ပေါ်ပေါက်လာခဲ့ပြီး ခေတ်သစ် တိုက်သားထုများ၏ မူလအစပျိုးရာ ခေတ်လည်းဖြစ်သည်။

          ရှေးဦးဇီဝခေတ် (Proterozoic Eon)သည် တတိယခေတ်ဖြစ်ပြီး ဆဲလ်ဝတ်ဆံပါသော ယူကာရုတ်ခေါ် ပိုမို ရှုပ်ထွေးကြီးမားသည့် ဆဲလ်များ ပေါ်ပေါက်လာသောခေတ် ဖြစ်သည်။ ထိုခေတ် နှောင်းပိုင်းတွင် ဆဲလ်များစွာနှင့် ဖွဲ့စည်းထားသော ဗဟုဆဲလ်ဇီဝများ ပေါ်ထွန်းလာခဲ့သည်။ ၎င်းတွင် ပထမဆုံး အယ်လဂျေး (ပင်လယ်ရေမှော်) ကိုလိုနီများ နှင့် ပထမဆုံး သတ္တဝါများ ပါဝင်ကြသည်။ ဤခေတ်အတွင်း ဂြိုဟ်၏သမိုင်းကြောင်းတွင် အဆိုးဝါးဆုံး ရေခဲခေတ်ကို ကြုံတွေ့ခဲ့ရသည်။

          ထင်ရှားသော ဇီဝခေတ် (Phanerozoic Eon) သည် စတုတ္ထခေတ်ဖြစ်ပြီး ဗဟုဆဲလ်ဇီဝ များစွာ ထွန်းကားလာသော ခေတ်ဖြစ်သဖြင့် သက်ရှိအထောက်အထား ရုပ်ကြွင်းများမှာ ယခင် ခေတ် ကျောက်လွှာများထက် များစွာ ထင်ရှားလာပြီဖြစ်သည်။ ဘူမိဗေဒပညာရှင်တို့က ၎င်းခေတ်ကို သက်ဦးကပ် (Paleozoic Era)၊ သက်လယ်ကပ် (Mesozoic Era)၊ သက်နှောင်းကပ် (Cenozoic Era) ဟု ကပ်သုံးကပ်ခွဲခြားထားပြန်သည်။ သက်ဦးကပ်ကို ယုဂ် (Period) ငါးခု ပိုင်းခြားထားသည်။ ကန်ဘရီယန်ယုဂ် (Cambrian) သည် အခွံပါသော သတ္တဝါများ စတင်ပေါ်ပေါက်သော ခေတ်ဖြစ်သည်။ ၎င်းနောက်လိုက်သည့် အော်ဒိုဗစ်ရှီယန် (Ordovician) နှင့် ဆိုင်လော်ရီယန်ယုဂ် (Silurian) ယုဂ်တို့သည် ယနေ့ခေတ် သမုဒ္ဒရာ ဂေဟစနစ်များ၏ အုတ်မြစ်အခြေခံများ ဖြစ်တည်ရာ ကာလဖြစ်သည်။ အော်ဒိုဗစ်ရှီယန်ယုဂ်တွင် ငါး၏ ရှေးဦးမျိုးနွယ်များ ပေါ်ပေါက် လာခဲ့သည်။ ဆိုင်လော်ရီယန်ယုဂ်တွင် သတ္တဝါများ ကုန်းမြေသို့ နယ်ချဲ့ထွင်ကြောင်း ခိုင်မာသော အထောက်အထားများ တွေ့ရှိရသည်။ မျက်မှောက်ခေတ် ငါးမန်းပါဝင်သော အရိုးနုငါးများသည် ယခုယုဂ်တွင် ပေါ်ပေါက်လာကြသည်။

          ဒီဗိုနီယန်ယုဂ် (Devonian) သည် ငါးမျိုးနွယ်များ ကြီးစိုးသော ယုဂ်ဖြစ်ပြီး ရေငန်မှ ရေချိုသို့ ဂေဟစနစ်များ အခြေခိုင်မာလာခဲ့သည်။ ကုန်းနေရေနေ သတ္တဝါတို့သည် ဤယုဂ်တွင် စတင်ဖြစ်တည်စ ပြုနေပြီဖြစ်သည်။ အခန်း (၁ဝ) တွင် ဖော်ပြထားသည့် ကာဗွန်နီဖားရပ်စ် ယုဂ်သည် အင်းဆက်များ ၏ ခေတ်ဖြစ်သည်။ ရေမွှာအိမ် ပါပြီး အခွံမာဥ ဥသော တွားသွားသတ္တဝါ ရှေ့ပြေးများ ကိုလည်း တွေ့ရနိုင်သည်။ ကုန်းမြေ အနှံ့အပြားကို ရေလွှမ်းခဲ့ပြီး နွံတောများဖြင့် စည်ပင်သော ကာလဖြစ်သည်။ ပါမီယန်ယုဂ် (Permian) တွင် ကုန်းမြေ ခေါင်ခေါင်တွင် ရှင်သန်နိုင်သော တွားသွားသတ္တဝါများသည် မြစ်ချောင်းကမ်းပါး ဒေသကို ကျော်လွန်လျက် ကုန်းတွင်းဖက်သို့ နယ်ချဲ့ထွင်နိုင်လာသည့် အလျောက် စည်ပင်ပွားများလာခဲ့သည်။ ခြေတိုသော တွားသွားသတ္တဝါများသည် ခန္ဓာကိုယ် အောက်တွင် ခြေတံရှည်ပါသော တွားသွားသတ္တဝါများ - သီရပ်ဆစ်(Therapsid) ကို ဆင့်ကဲပေါ်ပေါက်စေခဲ့သည်။ ပါမီယန်ယုဂ် အကုန်တွင် သမိုင်းတွင် အကြီးမားဆုံး ဧရာမ မျိုးပြုန်းမှုကြီး ဖြစ်ပေါ်ခဲ့သည်။ သက်ရှိမျိုးစိတ်များစွာမှာ ဤမျိုးတုံးမှုတွင် ပါဝင်သွားခဲ့သည်။

          ထရိုင်ယဆစ်ယုဂ် (Triassic) တွင် ပြန်လည်ထူထောင်လာသော ကုန်းဂေဟစနစ်များတွင် အဓိကပါဝင်သူများမှာ တွားသွားသတ္တဝါများပင် ဖြစ်ကြသည်။ သီရပ်ဆစ် တွားသွားသတ္တဝါများမှ အမွေးပါသော ဆိုင်နိုဒွန့် (Cynodont)များ ပေါ်ပေါက်လာသည်။ ၎င်းတို့သည် နောက်ပေါ်ပေါက်လာမည့် နို့တိုက်သတ္တဝါ၏ ရှေ့ပြေးမျိုးနွယ်များဖြစ်သည်။ အခြား တွားသွားသတ္တဝါတို့၏ ပြောင်းလဲမှု လမ်းကြောင်းကမူ သီရပ်ဆစ်တို့နှင့် မတူ။ တင်ပါးဆုံ အရိုးတည်ဆောက်ပုံ ပြောင်းလဲလာပြီး နောက်ခြေထောက်ဖြင့်သာ လမ်းလျှောက်သည့် အာခိုဆောများ ဆင့်ကဲပေါ်ပေါက်လာခဲ့သည်။ ၎င်းတို့သည် ဒိုင်နိုဆောနှင့် ငှက်များ၏ ဘိုးဘေးများဖြစ်ကြသည်။ ယနေ့ခေတ် ငှက်များ နောက်ခြေဖြင့် လမ်းလျှောက်ပြီး ရှေ့ခြေဖြင့် ပျံသန်းသည့် ကိုယ်ဟန်မှာ ဤအာခိုဆော တွင် အစပြုခဲ့သည်ဟု ဆိုရမည်။

          ဂျူရပ်ဆစ်ယုဂ် (Jurassic) တွင် အာခိုဆောများမှ ဒိုင်နိုဆောနှင့် အခြားဆက်နွယ်သော တွားသွားသတ္တဝါမျိုးနွယ်များ ပေါ်ပေါက်လာခဲ့သည်။ ၎င်းတို့အနက် တယ်ရိုဆောများသည် ပျံသန်းနိုင်သော အရေပါးတောင်ပံများ ပေါ်ပေါက်လာခဲ့သလို ရေယက်များပေါ်ပေါက်လာပြီး ပင်လယ်ကို နယ်ချဲ့သော ရေနေတွားသွားသတ္တဝါ သားရဲများကို တွေ့ရနိုင်သည်။ ငှက်မျာသည် ဂျူရပ်ဆစ်ယုဂ်တွင် ပေါ်ပေါက်လာကြသည်။ ခရီတေးရှပ်ယုဂ် (Cretaceous) သည် ထို တွားသွားသတ္တဝါများ ကမ္ဘာကို ကြီးစိုးထားသော ခေတ်ဖြစ်သည်။ နို့တိုက်သတ္တဝါများသည် ကြွက်အရွယ်သာ ရှိပြီး သားရဲကြီးများ အိပ်စက်သော ညဖက်မှ အစာရှာတတ်ကြသည်။ ယနေ့ခေတ် နို့တိုက်သတ္တဝါများစွာသည် ညဖက် အစာရှာသည့် ဓလေ့ရှိဆဲဖြစ်ရသည့် အကြောင်းရင်းခံဖြစ်သည်။ ဒိုင်နိုဆောနှင့် အခြား သားရဲကြီးများသည် ဤယုဂ်အကုန်ပိုင်းတွင် ကျဆုံးစ ပြုလာပြီဖြစ်သည်။ ခရီတေးရှတ်ယုဂ်သည် ကြီးမားသော ဥက္ကာခဲတစ်ခု မက်ဆီကိုဒေသကို ကျရောက်ခဲ့မှုဖြင့် အဆုံးသတ်ခဲ့သည်။

          ပလေယိုဂျင်းန်ယုဂ် (Paleogene) သည် ငှက်နှင့် နို့တိုက်သတ္တဝါများ၏ ခေတ်ဖြစ်သည်။ ငှက်များတွင် အသားစား ငှက်ဘီလူးကြီးများ (Terror Birds) မှာထင်ရှားသည်။ နို့တိုက်သတ္တဝါ မျိုးနွယ်များစွာလည်း ပေါ်ပေါက်လာခဲ့သည်။ အစောပိုင်း နို့တိုက်သတ္တဝါများသည် ဥဥ နို့တိုက်သတ္တဝါများ ဖြစ်သည်။ နောင်အခါ အကောင်လိုက် မွေးပြီး သားပိုက်အိတ်တွင် ကြီးစေသော သားပိုက်နို့တိုက်သတ္တဝါ (Marsupials) များ ပေါ်ပေါက်လာသည်။ ကျွန်ုပ်တို့လူ ပါဝင်သော နို့တိုက်သတ္တဝါများမှာ သန္ဓေသားကို မိခင်၏ သားအိမ်တွင် အဆုံးထိ ဖွံ့ဖြိုးစေသော အချင်းပါ နို့တိုက်သတ္တဝါ (Placental Mammals)များ ဖြစ်ကြသည်။ လွန်ခဲ့သောနှစ်သန်း ၄ဝခန့် ပလေယိုဂျင်းယုဂ်အတွင်း ရာသီဥတု ခြောက်သွေ့စပြုလာပြီး ပထမဆုံး မြက်ခင်းလွင်ပြင်များ ပေါ်ပေါက်လာခဲ့သည်။ မာကြောသော မြက်ကို စားနိုင်ရန် နို့တိုက်သတ္တဝါတို့ ဆင့်ကဲပြောင်းလဲခဲ့ရာမှ စားမြုံ့ပြန်ခြင်းဓလေ့ ဖြစ်ထွန်းခဲ့သည်။

          နီယိုဂျင်းန်ယုဂ် (Neogene) တွင် ရှေးဦးပရိုင်းမိတ်များမှ ဟိုမီနစ် (Hominids) ခေါ် လူတူပရိုင်းမိတ်များ ဆင့်ကဲပေါ်ပေါက်လာခဲ့ပြီဖြစ်သည်။ ဆာဟာရဒေသသည် ရာသီဥတု ခြောက်သွေ့မှုကြောင့် သဲကန္တာရ အသွင်ပြောင်းလဲပြီး ကြမ်းတမ်းပူပြင်းသော ပတ်ဝန်းကျင်တွင် ရှင်သန်ရန် ဟိုမီနစ်များအနက်မှ ဥာဏ်ပိုထက်သော မျက်မှောက်ခေတ် လူသားများ မျိုးကွဲထွက်လာခဲ့သည်။ လူသားသည် မီးကို ကိုင်တွယ်တတ်လာသည်။ စိတ်ကူးဥာဏ်ကွန့်နိုင်လောက်အောင် ဦးနှောက်ဖွံ့ဖြိုးလာပြီဖြစ်၍ အနုပညာ ဖန်တီးတတ်လာသည်။ ဘာသာတရားနှင့် ယဉ်ကျေးမှုများ ဆင့်ကဲပေါ်ထွန်းလာခဲ့သည်။ စိုက်ပျိုးရေးနှင့် မွေးမြူရေးကိုပါ ပိုင်နိုင်လာသော လွန်ခဲ့သောနှစ် တစ်သောင်းခဲ့အချိန်တွင် လူ့ယဉ်ကျေးမှုနှင့် သမိုင်းဝင်ခေတ် အစပျိုးပြီဖြစ်ပြီး ကျွန်ုပ်တို့၏ ကမ္ဘာဂြိုဟ်၏ သဘာဝသမိုင်းကြောင်း လေ့လာမှု ခရီးစဉ်ကို အဆုံးသတ်မည်ဖြစ်သည်။

          ကမ္ဘာ၏ သဘာဝသမိုင်းကို ကာလများအဖြစ်လည်းကောင်း၊ ကာလများကို ကပ်များအဖြစ်လည်းကောင်း၊ ကပ်များကို ယုဂ်များအဖြစ် လည်းကောင်း ပိုင်းခြားထားပြီး ၎င်းယုဂ်များအတွက် အဏုယုဂ် (Epoch) များ၊ ခေတ် (Age) များ အဆင့်ဆင့် ပိုင်းခြားပြ ထားသေးသည်။ အောက်တွင် ၎င်း ပိုင်းခြားမှုတို့ကို ဂဏန်း ပမာဏနှင့် ဇယားပြုစု ဖော်ပြပေးထားသည်။ အဏုယုဂ်တို့ကိုမူ များပြားလှ၍ ထည့်သွင်း မဖော်ပြအပ်တော့ပါ။ ကာလ၊ ကပ်၊ နှင့် ယုဂ်တို့ကိုမူ အပြည်ပြည်ဆိုင်ရာ ဘူမိမြေလွှာ ကော်မရှင် (International Commision on Statigraphy – ICS) ၏ သတ်မှတ်ချက်များအရ အောက်ပါအတိုင်း စုစည်း တင်ပြအပ်ပါသည်။





ဘူမိသမိုင်းကာလများ အတိတ်မှ ပစ္စုပ္ပန်သို့ (အညွှန်း- လခသန=လွန်ခဲ့သောနှစ်)

ဟေဒီယန်ကာလ (လခသန ၄.၆-၃.၈ ဘီလီယံ)



အာခီယန်ကာလ (လခသန ၃.၈-၂.၅ ဘီလီယံ)

---အာခီယန် အကြိုကပ်

---အာခီယန် ကာလဦး

---အာခီယန် ကာလလယ်

---အာခီယန် ကာလနှောင်း



ရှေးဦးဇီဝခေတ် (လခသန ၂.၅ဘီလီယံ-၅၄၂သန်း)

---ရှေးဦးဇီဝခေတ်ဦး

---ရှေးဦးဇီဝခေတ်လယ်

---ရှေးဦးဇီဝခေတ်နှောင်း



ထင်ရှားသောဇီဝခေတ် (လခသန ၅၄၂သန်း-ယနေ့အထိ)

---သက်ဦးကပ်

------ကန်ဘရီယန်ယုဂ် (လခသန ၅၄၂သန်း-၄၈၈သန်း)

------အော်ဒိုဗစ်ရှီယန်ယုဂ် (လခသန ၄၈၈သန်း- ၄၄၄သန်း)

------ဆိုင်လော်ရီယန်ယုဂ် (လခသန ၄၄၄သန်း- ၄၁၆သန်း)

------ဒီဗိုနီယန်ယုဂ် (လခသန ၄၁၆သန်း- ၃၅၉သန်း)

------ ကာဗွန်နီဖားရပ်စ်ယုဂ် (လခသန ၃၅၉သန်း-၂၉၉သန်း)

------ပါမီယန်ယုဂ် (လခသန ၂၉၉သန်း- ၂၅၂သန်း)

---သက်လယ်ကပ်

------ထရိုင်ယဆစ်ယုဂ် (လခသန ၂၅၂သန်း- သန်း၂ဝဝ)

------ဂျူရပ်ဆစ်ယုဂ် (လခသန သန်း၂ဝဝ-၁၄၆သန်း)

------ခရီတေးရှတ်ယုဂ် (လခသန ၁၄၆သန်း- ၆၅.၅သန်း)

---သက်နှောင်းကပ်

------ပလေယိုဂျင်းန်ယုဂ် (လခသန ၆၅.၅သန်း-၂၃သန်း)

------နီယိုဂျင်းန်ယုဂ် (လခသန ၂၃သန်း- ယနေ့ထိ)



(Kyaw Zwar Lynn)

သွေးခဲစနစ် (Clotting System)၏ ဆင့်ကဲပေါ်ပေါက်ပုံ

နိဒါန်း

           ကျွန်ုပ်တို့လူသား၏ သွေးကြောများသည် ခန္ဓာကိုယ်အတွက် အစာနှင့် အောက်ဆီဂျင်များ ဖြန့်ဖြူးလျက်ရှိနေပြီး၊ အညစ်အကြေးများ စွန့်ပစ်ပေး နေသည်။ ဟော်မုန်းနှင့် အခြား ဓာတ်ပစ္စည်းများကို အင်္ဂါတစ်ခုမှ တစ်ခုသို့ ပို့ဆောင်ပေးနေသည်။ ထို့ကြောင့် ကောင်းမွန်သော သွေးလည်ပတ်မှု ရှိရန် အလွန်အမင်း အရေးကြီးသည်။ သွေးကြောစနစ်သည် သွေးကို သွေးကြောအပြင် မထွက်စေရန်၊ သွေးကို အရည် အခြေအနေတွင် ရှိစေရန်၊ သွေးကြောပိတ်ခြင်း မဖြစ်စေရန် ထိန်းသိမ်းထားသည့် စနစ် တစ်ခုရှိသည်။ ၎င်းသည် သွေးခဲစနစ် (Clotting System) ဖြစ်သည်။ သွေးကြောပေါက် သွားခဲ့လျှင် သွေးဥမွှား (Platelet)များက ပေါက်သည့်နေရာတွင် ကပ်တွယ်လျက် ယာယီအပေါက်ဖာပေးသည်။ ထို့နောက် သွေးထဲမှ ပရိုတင်းတစ်မျိုးဖြင့် ဆဲလ်များကို ချည်နှောင် လိုက်ခြင်းဖြင့် သွေးခဲကိုဖြစ်စေသည်။ ထိုအခါတွင်မူ သွေးကြောပေါက်သည် ကောင်းမွန်စွာ ဖာထေးပြီးဖြစ်သည်။

ဆင့်ကဲဖြစ်စဉ်ဆိုင်ရာ ဆေးပညာ

နိဒါန်း

           ဆင့်ကဲဖြစ်စဉ်ဆိုင်ရာ ဆေးပညာ (Evolutionary Medicine)သည် ကျန်းမာရေးနှင့် ရောဂါများအကြောင်း နားလည်သိရှိရန် ခေတ်သစ် ဆင့်ကဲဖြစ်စဉ် သီအိုရီကို အသုံးချသည့်ပညာရပ်ဖြစ်သည်။ ၎င်းသည် ယနေ့ခေတ် ဆေးပညာနှင့် အထူးသဖြင့် ခေတ်မှီဆေးပညာ သင်ကြားမှု၏ တရားသေဆန်သော အမြင်နှင့် ရှင်းလင်းချက်များကို ဖြည့်စွက်ကူညီသည့် သိပ္ပံနည်းကျ ချဉ်းကပ်နည်း တစ်မျိုးဖြစ်သည်။ ဆင့်ကဲဖြစ်စဉ်ဆိုင်ရာ ဆေးပညာ သုတေသီတို့က ဆင့်ကဲဖြစ်စဉ် ဇီဝဗေဒသည် ဆေးကျောင်းများ၌ သင်နိုင်သော ခေါင်းစဉ်တစ်ရပ်သာမက၊ သင်ဖို့လိုအပ်သော အခြေခံ ဆေးသိပ္ပံအသိပညာဖြစ်သည်ဟု ဆိုကြသည်။
ဆေးပညာနှင့်သက်ဆိုင်သော ဇီဝသက်ရှိ၏ ဆီလျော်အောင် ပြုပြင်ပြောင်းလဲမှုများမှာ-

မျိုးစိတ်တွင်း ဆင့်ကဲဖြစ်စဉ် (Microevolution) နှင့် မျိုးစိတ်လွန် ဆင့်ကဲဖြစ်စဉ် (Macroevolution)

မော်လီကျူးအဆင့် ဗီဇပညာ မိတ်ဆက်

        ဇီဝသက်ရှိသည် အခြေခံယူနစ်များ အဖြစ် ဆဲလ် (Cell) ဟုခေါ်သော ရှုပ်ထွေးလှသည့် ဇီဝမော်လီကျူးများနှင့် ပေါင်းစပ်ထားသည့် အဆီပူပေါင်းလေးများဖြစ်သည်။ ဇီဝမော်လီကျူးတစ်ခုစီ နှင့် အဆီမော်လီကျူး တစ်ခုစီ သည် သက်မဲ့ မော်လီကျူးများဖြစ်သည်။ ၎င်းတို့ ပေါင်းစပ်တည်ရှိသော ဆဲလ်ဟူသော အခြေအနေတွင်သာ သက်ရှိသဘော ကိန်းအောင်းလျက်ရှိသည်။ သက်ရှိသဘာဝဆိုသည်မှာ ဖြစ်ခြင်းပျက်ခြင်း ဇီဝကမ္မဖြစ်စဉ်ရှိနေခြင်း နှင့် မျိုးပွားနိုင်စွမ်းရှိခြင်းတို့ ဖြစ်သည်။ ဤအဆီပူပေါင်းလေး ပေါက်မသွားအောင် အဆီမော်လီကျူး အသစ်များကို ဇီဝမော်လီကျူးများက ဓာတ်ကူမော်လီကျူးအနေဖြင့် ဆောင်ရွက်ပြီး ထုတ်လုပ်ပေးရသည်။ ဓာတ်ကူ ဇီဝမော်လီကျူး အများစုမှာ အမီနိုအက်ဆစ်များကို ဆက်တန်းရှည် တွဲဆက်ထားသော ပရိုတင်းများ ဖြစ်သည်။ ပရိုတင်းအချို့သည် အဆီထုတ်လုပ်မှုအပြင် အခြား ဓာတ်ကူလုပ်ငန်း အသီးသီးရှိကြသည်။

ဗီဇကို ဗဟိုပြုသော ဆင့်ကဲဖြစ်စဉ် ရှုထောင့် (သို့မဟုတ်) အတ္တကြီးသော ဗီဇများ အယူအဆ

ယနေ့ခေတ် ဇီဝကမ္မစနစ် မိတ်ဆက်

      ယနေ့ခေတ် အသက်ဇီဝသည် ဒီအန်အေ၊ အာအန်အေ နှင့် ပရိုတင်းဟူသော ဒြပ်ပေါင်းသုံးမျိုး၏ တစ်ခုပေါ်တစ်ခု တည်မှီသည့် စနစ်ဖြင့် တည်ဆောက် ထားသည်။ ထိုအနက် အာအန်အေသည် ပရိုတင်းထုတ်လုပ်ရန် ဆဲလ်ရည်ကြည်ထဲ ရောက်ရှိပြီး နာရီအနည်းငယ်အတွက် ဖျက်ဆီးခံရသည်။ ပရိုတင်း အများစုသည်လည်း မိနစ်အနည်းငယ်မှ သက်ရှိ၏ တစ်သက်တာလုံးသာ တာရှည်ခံနိုင်သည်။ ဒီအန်အေ ကသာလျှင် မျိုးဆက် အားလုံးတွင် အကြိမ်ကြိမ် ပုံတူပွားလျက် ဗီဇသတင်းအချက်အလက်တို့ကို သယ်ဆောင်ပေးသူ မည်၏။

ဆင့်ကဲဖြစ်စဉ် သီအိုရီ၏ အထောက်အထား - လူသား၏ ခရိုမိုဆုမ်းနံပါတ် (၂)

နိဒါန်း

                 ဆင့်ကဲဖြစ်စဉ် သီအိုရီသည် ဇီဝဗေဒပညာတွင် ကျယ်ပြန့်စွာ လက်ခံထားသော သက်ရှိမျိုးစိတ်တို့၏ ဆက်နွယ်ပုံနှင့် မူလအစကို ရှင်းပြသော သီအိုရီဖြစ်သည်။ သိပ္ပံပညာသည် သံသယဝါဒကို အခြေခံသော စူးစမ်းရှာဖွေမှုဖြစ်သည်။ သိပ္ပံတွေ့ရှိချက်တိုင်း၊ သီအိုရီတိုင်းသည် ပကတိ အမှန်တရားဟု သိပ္ပံပညာရှင်တို့ မယူဆကြကုန်။ နောက်ထပ် ပိုမိုဖြေရှင်းနိုင်စွမ်းသော သိပ္ပံအယူအဆ တစ်ခု ပေါ်ပေါက်လာလျှင် ဝမ်းမြောက်ဝမ်းသာ ကြိုဆိုကြလိမ့်မည်တည်း။

                သိပ္ပံပညာ၌ တွေးဆချက်၊ အနုမာန၊ သီအိုရီ ဟူ အဆင့် သုံးဆင့်ရှိသည်။ သဘာဝကို ရှုမြင်သုံးသပ်ခြင်းဖြင့် တွေးဆချက် တစ်ခုကို တည်ဆောက်ရသည်။ ထို တွေးဆချက်ကို ယုတ္တိရှိအောင် ရှင်းပြရသည်။ အထောက်အထားများ တင်ပြရသည်။ ထိုအဆင့်သည် အနုမာနဖြစ်သည်။ အနုမာနကို ဆိုင်ရာ သိပ္ပံလောကမှာ အကြိမ်ကြိမ် စမ်းသပ် ဝေဖန်ပြီးမှ ကျယ်ပြန့်စွာ ထောက်ခံ လာသောအခါတွင် ထိုအနုမာနသည် သီအိုရီဖြစ်လာသည်။ သိပ္ပံ သီအိုရီတစ်ခုသည် သဘာဝဖြစ်စဉ်များကို ရှင်းပြနိုင်သည့် စွမ်းရည်ပေါ် မူတည်၍ ၎င်း၏ ကြိုတင်ခန့်မှန်းနိုင်စွမ်း ဟူသည်ရှိနေသည်။ ဥပမာအားဖြင့် ကူးစက်ပိုးတစ်မျိုးကို ပဋိဇီဝဆေးဖြင့် နှိမ်နင်းသည့် အခါ နောင်အချိန်တွင် ထိုပဋိဇီဝဆေးကို ခံနိုင်ရည်ရှိသော ပိုးမျိုး ဆင့်ကဲပေါ်ပေါက်လာနိုင်သည် ဟူကြိုတင်တွက်ဆခြင်းမျိုး ဖြစ်သည်။ ရာသီဥတု ခန့်မှန်းမှုများသည် အကျိုး ဖြစ်ထွန်းစေသကဲ့သို့ ဆင့်ကဲဖြစ်စဉ် သီအိုရီ၏ ကြိုတင်တွက်ဆနိုင်မှုသည် ပြောင်းလဲနေသည့် ပိုး၏ သဘာဝနှင့် ကိုက်ညီသည့် ပဋိဇီဝဆေးများကို အကြားအလပ်မရှိ ထုတ်လုပ်နိုင်ရန် အလွန်အရေးပါသော တွန်းအားနှင့် ဖြေရှင်းချက် တစ်ခုမည်၏။

ဆင့်ကဲဖြစ်စဉ် သရုပ်ဖော်ပုံများ

           ဆင့်ကဲဖြစ်စဉ် သရုပ်ဖော်ပုံ (Cladogram) သည် ဆင့်ကဲဖြစ်စဉ် ဇီဝဗေဒပညာရှင်များက ဆင့်ကဲဖြစ်စဉ်၏ အဆင့်များကို တိကျစွာ ဖော်ပြရန် အသုံးပြုသည့် သရုပ်ဖော်ပုံများဖြစ်သည်။ လူသည် မျောက်မှ ဆင်းသက်သည် ဟူသော အရပ်စကားသည် ဆင့်ကဲဖြစ်စဉ်ကို တိကျစွာ မဖော်ညွှန်းသောကြောင့် ဖြစ်ရသည်။ ဤကိစ္စနှင့် ပတ်သက်၍ ခေါင်းစဉ် အဆုံးပိုင်းတွင် ပြန်လည် ဆွေးနွေးပေးပါမည်။ သရုပ်ဖော်ပုံများကို ကြည့်ရှုလေ့လာတတ်မှ ဇီဝမျိုးနွယ်တို့၏ ဆင့်ကဲဖြစ်စဉ်ကို တိကျစွာ နားလည်မည်ဖြစ်သည်။

နမူနာအဖြစ် ပြသထားသော ဆင့်ကဲဖြစ်စဉ် သရုပ်ဖော်ပုံ