မီးမ် သီအိုရီအကြောင်း တစေ့တစောင်း

          စာဖတ်သူက Facebook သုံးတဲ့သူဆိုရင် အင်တာနက်ပေါ်မှာ Meme လို့ခေါ်တဲ့အရာတွေကို မြင်ဖူးမှာပါ။ နောက်ကွယ်မှာ အဓိပ္ပာယ်တစ်ခုပါတဲ့ ပုံကြမ်း (Template) တစ်ခုကို သုံးပြီး အချို့အဖြစ်အပျက်တွေကို ဝေဖန်တဲ့၊ ထောက်ပြတဲ့ သရော်ပုံတွေကို အင်တာနက် Meme လို့ခေါ်ပါတယ်။ ကျွန်တော်တို့ဆီမှာ Meme ကို အသံထွက် မီမီလို့ ထွက်ကြတာ ရှိပါတယ်။ အဲဒါကြီးက အသံထွက်အမှားကြီးပါ။ အသံထွက် အမှန်ကတော့ မီးမ် (အသံထွက်ကို အင်္ဂလိပ်လိုရေးရင် Mee-m) ဖြစ်ပါတယ်။

          အင်တာနက်ပေါ်မှာ Meme (မီးမ်) တွေ အသုံးတွင်ကျယ် လူသိများလာတာ နှစ်အနည်းငယ်ရှိပါပြီ။ ဒါပေမယ့် ကျွန်တော် ပြောပြချင်တဲ့ မီးမ်အကြောင်းက အင်တာနက်ပေါ်က မီးမ်ထက်လည်း လူသိနည်းတယ်။ သိပ္ပံပညာရပ်ဖြစ်တဲ့ မီးမ် သီအိုရီ (Meme Theory) အကြောင်းပါ။
ကျွန်တော်တို့တွေ မီးမ်အကြောင်းကို ပြောရင်တော့ ၁၉၇ဝကျော် ကာလတွေကို ပြန်သွားရမှာပါ။ ၁၉၇၆ခုနှစ်မှာ ဇီဝဗေဒပညာရှင် ရစ်ချတ်ဒေါ်ကင်စ် (Richard Dawkins ) က ကိုယ်ကျိုးရှာဗီဇ (The Selfish Gene) လို့ အမည်ရတဲ့ စာအုပ်ကို ရေးသားထုတ်ဝေခဲ့တယ်။ အရင်ဆုံး ဒီစာအုပ်မှာ ရေးသားတာကို အရင် ဆွေးနွေးပြပါမယ်။

ပုံ - မီးမ် ဟူသော ဝေါဟာရကို စတင် တီထွင်သူ၊ ဇီဝဗေဒပညာရှင် Richard Dawkins

ကိုယ်ကျိုးရှာဗီဇ ဗီဇများ

          သက်ရှိဇီဝတွေ မျိုးဆက်များ ကြာမြင့်တဲ့အခါ ဖြစ်ပေါ်လာတဲ့ ပြောင်းလဲမှုတွေအကြောင်းကို ရှင်းပြတဲ့ အီဗော်လျူးရှင်း (Evolution) သို့မဟုတ် ဆင့်ကဲဖြစ်စဉ် သီအိုရီဟာ ၁၉ရာစုနှောင်းပိုင်းမှာ ပေါ်ထွက်လာပါတယ်။ ဆင့်ကဲဖြစ်စဉ် သီအိုရီရဲ့ အခြေခံရှင်းပြချက်ကိုတော့ သဘာဝ၏ ရွေးချယ်မှု (Natural Selection) လို့ခေါ်ပါတယ်။ သဘာဝတရားနဲ့ ဆီလျော်တဲ့ သက်ရှိတွေက ပိုမိုမျိုးအောင်တဲ့အတွက် မျိုးဆက်များစွာ ကြာလာတဲ့အခါ သဘာဝနဲ့ ဆီလျော်တဲ့ သက်ရှိမျိုးနွယ်တွေကသာ လွှမ်းမိုးသွားလေ့ ရှိတယ်လို့ ရှင်းပြထားပါတယ်။ သဘာဝနဲ့ ဆီလျော်မှုဆိုတာ စာမေးပွဲ တစ်ခုလိုပါပဲ။ သက်ရှိတွေဟာ နိစ္စဓူဝ ရှင်သန်လှုပ်ရှားနေစဉ်မှာ သဘာဝအရင်းအမြစ်တွေက အကန့်အသတ်ရှိနေတဲ့အတွက် အသက်မသေအောင်၊ ထပ်မံမျိုးပွားနိုင်အောင် သူ့ထက်ငါ ပြိုင်ဆိုင်မှုတွေက အလိုအလျောက် ဖြစ်ပေါ်နေပါတယ်။ 

          အလိုအလျောက် ပြိုင်ဆိုင်တယ်ဆိုတာကို ရုတ်တနက် နားရှင်းမှာ မဟုတ်ပါဘူး။ ဥပမာတစ်ခုနဲ့ ထပ်ရှင်းပြပါမယ်။ ဆိုပါစို့။ အလုပ် တစ်နေရာအတွက် ကျွန်တော်တို့ အင်တာဗျူးတစ်ခုဖြေတယ်။ အောင်သွားတော့ ကျွန်တော် အလုပ်ရတယ်။ ကျွန်တော်က သူများတွေ အလုပ်မရအောင်၊ လုဖြေတာ မဟုတ်ပါဘူး။ အင်တာဗျူးသူက ကျွန်တော့်ကို ရွေးချယ်လိုက်တာကြောင့် ကျွန်တော် အလုပ်ရသွားတာပါ။ ဒါပေမယ့် ကျွန်တော် အလုပ်ရသွားလို့ တခြားဖြေဆိုသူတွေ အလုပ်မရတော့ပါဘူး။ ဒါကြောင့် ကျွန်တော် အင်တာဗျူးဖြေတာ ကိုယ်တိုင်က တခြားသူတွေနဲ့ အလုပ်တစ်နေရာအတွက် ပြိုင်လုယူလိုက်သလို အလိုအလျောက် ဖြစ်သွားပါတယ်။

          သက်ရှိတွေအကြောင်း ပြန်ဆက်ရအောင်ပါ။ သက်ရှိတွေထဲမှာရော ခုနက အင်တာဗျူးဖြေသလို ကိစ္စတွေ ရှိနိုင်မလား။ အပင်တွေ၊ ဘတ်တီးရီးယားတွေ၊ တိရစ္ဆာန်တွေ စတဲ့ သက်ရှိအားလုံးဟာ လူလို အင်တာဗျူး မဖြေရပေမယ့် အသက်ရှင်ခြင်းနဲ့သေခြင်းအတွက် နေ့စဉ် စွမ်းရည်စစ်ဆေးခံနေကြပါတယ်။ အောင်မြင်သူ၊ သို့မဟုတ် ကျဆုံးသူတွေကို ရွေးချယ်တာက သူ့ပတ်ဝန်းကျင်က တခြားသက်ရှိတွေ၊ ရေမြေတောတောင်တွေ ပါဝင်တဲ့ သဘာဝတရား ကိုယ်တိုင်ပဲ။ သက်ရှိတွေဟာ အကန့်အသတ်ရှိတဲ့ အရင်းအမြစ်တွေကို လုံးဝဖြုန်းတီးလို့ မရပါဘူး။ အင်တာဗျူးကိစ္စမှာဆိုရင် တကယ်လို့ ကျွန်တော် အင်တာဗျူးဖြေပြီးသွားလို့ ဖြေဖို့ ကျန်နေသေးတဲ့သူတွေကို ကျွန်တော့်အတွေ့အကြုံတွေ ပြောပြလိုက်ရင် ဘာဖြစ်နိုင်မလဲ။ ကျွန်တော် အင်တာဗျူးအောင်နိုင်စွမ်း နည်းကောင်းနည်းသွားနိုင်တယ်။ အလုပ်ရချင်တဲ့သူဆိုရင် အင်တာဗျူး အတွေ့အကြုံတွေ အကြံဉာဏ်တွေ ပေးမှာ မဟုတ်ပါဘူး။ 

          ထိုနည်းလည်းကောင်းပဲ၊ တောရိုင်းသဘာဝမှာ နွားမတစ်ကောင်က နွားသားငယ်တွေ ရှိရက်နဲ့ ကျွဲပေါက်တစ်ကောင်ကို နို့တိုက်မှာ မဟုတ်ပါဘူး။ သူ့သားသမီးတွေရဲ့ ရှင်သန်ရေးကိုသာ စဉ်းစားပါတယ်။ ဆင့်ကဲဖြစ်စဉ် သီအိုရီက ဒီနိယာမတရားဟာ သက်ရှိတိုင်းမှာ ရှိနေတယ်လို့ ခန့်မှန်းချက် ထုတ်ပါတယ်။ သိပ်ကိုမှန်တဲ့ ခန့်မှန်းချက်ပါ။ သက်ရှိများစွာမှာ အလိုအလျောက် ပြိုင်ဆိုင်မှုနဲ့ မိမိ သားသမီးကိုသာ အားပေးစောင့်ရှောက်မှုတွေ တွေ့ရတယ်။ ဒါပေမယ့် ခြွင်းချက်တွေ ရှိနေပါတယ်။ အဲဒါတွေထဲက တစ်ခုကတော့ ပျားတွေပါပဲ။ 

          ပျားအုံမှာ ပျားဘုရင်မနဲ့ လုပ်သားပျားမတွေ ရှိပါတယ်။ သူတို့တွေမှာ နီးစပ်ဆင်တူတဲ့ ဗီဇတွေရှိနေလို့ ဆွေမျိုးအုပ်စုကြီး သဖွယ် ဖြစ်နေပါတယ်။ ဒါပေမယ့် ပျားအုံတစ်ခုက နွားအုပ်တစ်ခုရဲ့ နီးစပ်ဆင်တူမှုထက် မပိုပါဘူး။ ခုနက နွားမကြီးလိုပဲ ပျားတွေ ပြုမူမလား။ လုပ်သားပျားတွေက သူတို့ သားသမီးကိုသာ ကျွေးမွေးပြီး တခြားသူရဲ့ သားသမီးတွေကို ဦးစားမပေးပဲ ထားလေ့ရှိလား။ လက်တွေ့မှာ အဲဒီလိုမဟုတ်ပါဘူး။ အဲဒီလိုမဟုတ်တဲ့အပြင် ဆန့်ကျင်ဖက်က အစွန်းရောက်ပါတယ်။ လုပ်သားပျားတွေက ကိုယ်တိုင် သားသမီးတောင် မမွေးပါဘူး။ ပျားဘုရင်မ မွေးတဲ့ သားသမီးတွေ အားလုံးကိုတော့ အပျိုကြီးဘဝနဲ့ စောင့်ရှောက်ပေးတယ်။ ဒါဟာ ဆင့်ကဲဖြစ်စဉ် သီအိုရီရဲ့ ခန့်မှန်းချက် ကို လွဲမှားသွားစေတဲ့ ခြွင်းချက်တစ်ခုပါပဲ။ ဒါက ဇီဝဗေဒပညာရှင်တွေ အတွက် ဦးနှောက်ခြောက်စရာပါ။ 

          ဆိုပါစို့။ အလုပ်အင်တာဗျူးကို ကျွန်တော်နဲ့ ကျွန်တော့်အစ်ကို သွားဖြေတယ်။ နှစ်ယောက်လုံးက အိမ်ရဲ့ အဓိက ဝင်ငွေရှာသူတွေပဲ။ ကျွန်တော်ဖြေပြီးသွားတော့ မဖြေရသေးတဲ့ ကျွန်တော့်အစ်ကိုကို အတွေ့အကြုံတွေ ပြောပြလိုက်တယ်။ ဒါက ကျွန်တော့်ကိုယ်ပိုင် အလုပ်ရနိုင်စွမ်း လျော့သွားနိုင်တယ်။ ဒါပေမယ့် ကျွန်တော့်အစ်ကို အလုပ်ရသွားနိုင်တယ်။ အကျိုးဆက်ကတော့ အိမ်အတွက် ဝင်ငွေရှာနိုင်တာပဲ။
          ပျားတွေမှာလည်း ဒီလိုပါပဲ။ လုပ်သားပျားတွေက ပျားဘုရင်မရဲ့ သားသမီးတွေကို ပြုစုသုတ်သင်ပေးခြင်းကြောင့် ပျားဘုရင်မနဲ့ သူတို့အားလုံးရဲ့ ဗီဇတွေ အားလုံး ပေါင်းထားတဲ့ ဗီဇဟင်းပေါင်းအိုးကြီး (Gene Pool) တစ်ခုလုံးအတွက် အကျိုးဖြစ်ထွန်းစေတယ်။ လုပ်သားပျားတွေအတွက် ပျားဘုရင်မ သားသမီးတွေကို ကိုယ်ကျိုးစွန့် စောင့်ရှောက်တာက သူတို့ ကိုယ်ပိုင်သားသမီးတွေကို စောင့်ရှောက်တာ နည်းတူ အကျိုးဖြစ်ထွန်းပါတယ်။ ဒီဖြစ်စဉ်ကိုတော့ ဆွေမျိုးတူချင်းရွေးချယ်မှု (Kin Selection) လို့ခေါ်ပါတယ်။

          ဆွေမျိုးတူချင်းရွေးချယ်မှု သဘောတရားကို ထုတ်ဖော်နိုင်ခဲ့တာဟာ သက်ရှိတွေရဲ့ အပြုအမူကို သက်ရှိတစ်ခုလုံး ရှုထောင့်ကနေ မကြည့်ပဲ ဗီဇရှုထောင့်ကနေ ကြည့်တဲ့ ထူးခြားတဲ့ ရှုမြင်နည်းအသစ်ကြောင့်ပါပဲ။ နွားမက နွားသားသမီးတွေကို စောင့်ရှောက်တယ်ဆိုတာက နွားဆိုတဲ့ တိရစ္ဆာန်နေရာကနေ ကြည့်တာပါ။ နွားမရဲ့ ဗီဇတွေက နွားကလေးတွေထဲမှာ ပါဝင်နေလို့ နွားမရဲ့ဗီဇက နွားမအား နွားကလေးတွေကို ပြုစုခိုင်းခြင်းအားဖြင့် နွားကလေးတွေထဲက သူ့ရဲ့ ကိုယ်ပွားဗီဇမိတ္တူတွေ ဆက်လက် ကျန်ရစ်အောင် အားပေးနေတယ်လို့ ရှုမြင်နိုင်တယ်။ ဒါကို ဗီဇနေရာကနေ ရှုမြင်တယ်လို့ ပြောလို့ရတယ်။ ဗီဇနေရာက ရှုမြင်ခြင်းဟာ နွားမှာသာမက၊ ပျားမှာလည်း အသုံးဝင်ပါတယ်။ ဗီဇရှုထောင့်က ကြည့်ရင် လုပ်သားပျားတွေ၊ ပျားဘုရင်မတွေ မရှိတော့ပါ။ သူတို့ကို ဖွဲ့စည်းသတ်မှတ်ထားတဲ့ ဗီဇတွေ တူမတူဆိုတာပဲ ကျန်ရစ်တယ်။ လုပ်သားပျားနဲ့ ပျားဘုရင်မတွေရဲ့ ဗီဇတွေ ဆင်တူနေလို့ အဲဒီ့ ဗီဇတွေက လုပ်သားပျားကို ပျားဘုရင်မရဲ့ သားသမီးတွေကို ကျွေးမွေးခိုင်းတယ်လို့ ပြောနိုင်တယ်။

          ဗီဇကို ဗဟိုပြုတဲ့ ရှုထောင့်ကနေ အသုံးဝင်တဲ့ ဇီဝဗေဒ နိယာမတွေကို ကျွန်တော်တို့ ထုတ်ဖော်နိုင်ပါတယ်။ စင်စစ်မှာလည်း ဗီဇတွေက ဗီဇရှင် သက်ရှိတွေထက် အရေးပါပါတယ်။ ကျွန်တော်တို့တွေ တွေးလေ့ရှိတာက သက်ရှိတွေရဲ့ သွင်ပြင်လက္ခဏာတွေကို ဗီဇက သတ်မှတ်တယ် ဆိုတာလောက်ပဲ။ ဒါပေမယ့် မျိုးဆက်များစွာကို ကြည့်ရင် သက်ရှိတစ်ခုချင်းစီက အရေးမပါတော့ပါဘူး။ ကျွန်တော်တို့တွေသာ သေသွားတာ။ ဗီဇတွေကတော့ မျိုးဆက်သစ်တွေမှာ ဆက်လက်ကျန်ရစ်တယ်။ ခေတ်ပေါင်းများစွာရဲ့ ဇာတ်ကောင်က တင်္ဒဂသာ နေတဲ့ ကျွန်တော်တို့ မဟုတ်ဘူး။ မျိုးဆက်တွေ ဆက်တိုင်း ကျန်ရစ်တဲ့ ဗီဇတွေကသာ ဇာတ်ကောင်ပါ။ 

          သဘာဝနိယာမတရား တွေအရ မိမိကိုယ်ကို ပွားများနိုင်တဲ့ ဗီဇတွေက ပိုအောင်မြင်တယ်။ ခေတ်ကာလတွေ အကြာကြီး တည်ရှိကြတယ်။ ဗီဇတွေက သူတို့ပွားများဖို့အတွက် ကျွန်တော်တို့ သက်ရှိ ခန္ဓာကိုယ်တွေကို ‘အသုံးချသလို’ ဖြစ်နေပါတယ်။ လူတွေအချင်းချင်း ရိုင်းပင်းကူညီကြတာ၊ ပျားတွေ စည်းလုံးကြတာ၊ ခြင်္သေ့တွေ တစ်ကိုယ်ကောင်းဆန်တာ အားလုံးဟာ မိမိတို့ ကိုယ်ထဲက ဆင်တူတဲ့ ဗီဇတွေ စည်ပင်ပွားများဖို့အတွက်ပဲ။ ယောက်ျားလေးတွေက တင်ပါးကြီးတဲ့ အမျိုးသမီးတွေကို ဆွဲဆောင်မှုရှိတယ်လို့ မြင်တာက တင်ပါးကြီးရင် သန်စွမ်းတဲ့ ကလေးမွေးနိုင်ကြောင်း သဘာဝ သိစိတ်တစ်ခုနဲ့ ရွေးချယ်နေတာဖြစ်တယ်ဆိုရင် အံ့သြသွားမလား။ ဗီဇတွေက သက်ရှိလူသားတွေကို ကျွန်ပြုထားတယ်လို့တောင် တင်စားပြောနိုင်တယ်။ ကျွန်တော်တို့ရဲ့ ဗီဇတွေလား၊ ဗီဇတွေရဲ့ ကျွန်တော်တို့လား။ အဲဒါပြောရခက်ပါတယ်။

          ဇီဝဗေဒပညာရှင် Richard Dawkins က ကိုယ်ကျိုးရှာဗီဇ စာအုပ်မှာ အထက်ပါ အကျဉ်းချုပ်ထားတဲ့ အကြောင်းအရာကို အသေးစိတ် ဆွေးနွေးပြသွားပါတယ်။ နောက်ဆုံး အခန်းမှာတော့ လူတွေမှာပဲ သီးသန့်ရှိနိုင်တဲ့ ဗီဇမဟုတ်ပဲ တကိုယ်ကောင်းဆန်တဲ့ အရာ တစ်ခုအကြောင်းကို မိတ်ဆက်ပေးသွားပါတယ်။ အဲဒါ ဘာဖြစ်မယ်ထင်လဲ။ နောက်ခေါင်းစဉ်မှာ ဆက်ဖတ်ပါရန်။

Gene နဲ့ Meme

          စာဖတ်သူ တွေးတာ မှန်ပါတယ်။ အဲဒါ မီးမ် (Meme) ပါပဲ။ တခြားသက်ရှိတွေနဲ့ မတူပဲ၊ လူတွေဟာ သတင်းအချက်အလက်တွေနဲ့ ပြည့်နှက်နေတဲ့ လောကကြီးမှာ နေထိုင်ကြတယ်။ အဲဒီ့ သတင်းအချက်အလက်တွေထဲမှာ နိုင်ငံတကာသတင်းတွေ၊ စာတွေ၊ ဗဟုသုတတွေ၊ အားကစားတွေ၊ ဝတ်စားပုံဖက်ရှင်တွေ၊ တေးဂီတတွေ၊ တွေးခေါ်မှု ဒဿနတွေ၊ ယုံကြည်ကိုးကွယ်မှုတွေ၊ တတ်ကျမ်းတွေ၊ ကျင့်ဝတ်စာရိတ္တတွေ၊ ဓလေ့ထုံးတမ်းတွေ၊ ဥပဒေပြဌာန်းချက်တွေ စသည်ဖြင့် ပါဝင်ပါတယ်။

          ဒါကို ‘ဘောလုံးပွဲ’ နဲ့ ဥပမာပေးချင်ပါတယ်။ အပြင်လောကမှာ လက်တွေ့ကျင်းပယှဉ်ပြိုင်တဲ့ ဘောလုံးပွဲဟာ ဘောလုံးပွဲကို သတ်မှတ်ပေးတဲ့ သတင်းအချက်အလက်တွေကို ရုပ်လောကမှာ ဖန်တီးလိုက်တာဖြစ်တယ်။ ဘောလုံးပွဲကို ရုပ်လောကမှာ ဖန်တီးလိုက်တာက ဘောလုံး အားကစားလို့ခေါ်တဲ့အရာပါ။ ဘောလုံး အားကစားဆိုတာ ဘောလုံးကန်နည်းနဲ့ စည်မျဉ်းတွေ စတဲ့ သတင်းအချက်အလက်တွေကို စုစည်းထားတဲ့ သတင်းအချက်အလက် အစုအဝေးလေး တစ်ခုပါ။ 

          ထိုနည်းလည်းကောင်းပဲ ဗီဇတွေက သူတို့မှာပါတဲ့ သတင်းအချက်အလက်တွေကို ရုပ်လောကမှာ ဖန်တီးလိုက်တော့ သက်ရှိဖြစ်လာတယ်။ ဒါကြောင့် သတင်းအချက်အလက် အစုအဝေးချင်း တူတဲ့ ဗီဇနဲ့ ဘောလုံး အားကစားဟာ သဘောတရားတူပြီး၊ သူတို့ရဲ့ ရုပ်လောက ဖန်တီးမှုတွေဖြစ်တဲ့ သက်ရှိနဲ့ ဘောလုံးပွဲက သဘောတရားတူပါတယ်။

ဘောလုံးအားကစား(သတင်းအချက်အလက် အစုအဝေး)ကို ရုပ်လောကမှာ ဖန်တီးခြင်း ----> ဘောလုံးပွဲ
ဗီဇ (သတင်းအချက်အလက် အစုအဝေး)ကို ရုပ်လောကမှာ ဖန်တီးခြင်း ----> သက်ရှိ

          ဘောလုံးအားကစားလို အခြားသော သတင်းအချက်အလက် အစုအဝေးတွေလည်း မြောက်များစွာ ရှိပါတယ်။ တေးသွား (Musical Tones) ဆိုတဲ့ ‘သတင်းအချက်အလက်’တွေ စုစည်းလိုက်ရင် တေးစာ (Musical Notes) ဖြစ်လာတယ်။ တေးစာကို ရုပ်လောကမှာ အသံအဖြစ် တီးခတ်လိုက်တော့ သံစဉ် (Melody) ဖြစ်လာတယ်ပေါ့။ ဒီနေရာမှာဆိုရင် တေးစာက ဗီဇနဲ့ တူပြီး ရလာတဲ့ သံစဉ်က သက်ရှိနဲ့တူပါတယ်။ လူ့အဖွဲ့အစည်းထဲမှာ ပျံ့နှံ့နေပြီး လူ့ဗီဇလို ပြုမူတဲ့ အဲဒီ့ သတင်းအချက်အလက် အစုအဝေးတွေကို မီးမ် လို့ Richard Dawkins က နာမည်တပ်လိုက်ပါတယ်။

တေးစာ (သတင်းအချက်အလက် အစုအဝေး)ကို ရုပ်လောကမှာ ဖန်တီးခြင်း ----> သံစဉ်

          ဗီဇတွေက သက်ရှိတွေရဲ့ ကိုယ်ထဲမှာ ဒီအန်အေအဖြစ် ရှိနေပေမယ့်၊ မီးမ်တွေကတော့ လူ့ဦးနှောက်မှာ မှတ်ဉာဏ်အဖြစ် တည်ရှိနေပါတယ်။ မီးမ်တွေဟာလည်း ဗီဇနဲ့ စွမ်းရည်သတ္တိချင်း လုံးဝမဆင်တူရင်တောင်မှ အတော်လေးကို နီးစပ်ပါတယ်။ ဒါကြောင့်လည်း Richard Dawkins က မီးမ်လို့ နာမည်ပေးခဲ့တာပါ။ မီးမ် ဆိုတဲ့ ဝေါဟာရကို ပြန်လိုက်ကြည့်ရင် ဂရိစကားလုံး တစ်ခုဖြစ်တဲ့ μίμημα ကနေ ယူထားတာပါ။ အတုခိုးခြင်း (Imitation) လို့ အဓိပ္ပာယ်ရပါတယ်။ ဒီစကားလုံးကို အင်္ဂလိပ်လို ပြန်ရေးရင် Mimeme ပါ။ ဗီဇကို အင်္ဂလိပ် Gene ဂျင်းန် လို့ သုံးပါတယ်။ ဒါပေမယ့် ဒေါ်ကင်စ်က စကားလုံးအသစ်ကို Gene/ဂျင်းန် နဲ့ သရအသံထွက်တူချင်လို့ Meme/မီးမ် လို့ ထွင်သုံးလိုက်တာပါ။

မီးမ်ကို အဓိပ္ပာယ်ဖွင့်ဆိုနည်းတွေ အများကြီးရှိပါတယ်။ အဲဒီ့ထဲက တချို့ကို ဖော်ပြလိုက်ပါတယ်။

ဇီဝဗေဒ အဓိပ္ပာယ်ဖွင့်ဆိုချက် (Dawkins)
မီးမ်ဟူသည် ယဉ်ကျေးမှု ကူးလူးခြင်း သို့မဟုတ် အတုယူခြင်း၏ အခြေခံယူနစ်ဖြစ်သည်။

စိတ်ပညာ အဓိပ္ပာယ်ဖွင့်ဆိုချက် (Plotkin)
မီးမ်ဟူသည် ယဉ်ကျေးမှုလက္ခဏာများ၏ မျိုးရိုးဆက်ခံမှု အခြေခံယူနစ်ဖြစ်ပြီး သက်ရှိလက္ခဏာများ၏ မျိုးရိုးဆက်ခံမှု အခြေခံဖြစ်သော ဗီဇနှင့် ဆင်တူသည်။ စင်စစ် မီးမ်သည် စိတ်အတွင်းရှိ အသိသုတ၏ အခြေခံယူနစ်ဖြစ်သည်။

သိမှတ်မှုဆိုင်ရာ အဓိပ္ပာယ်ဖွင့်ဆိုချက် (Dennett)
မီးမ်ဟူသည် အစိတ်အပိုင်းများစွာ ပါဝင်သော အတွေးအမြင် အိုင်ဒီယာတစ်ခုဖြစ်ပြီး၊ လူ့ကိုယ်ထဲတွင် မှတ်ဉာဏ်ဆိုင်ရာ ယူနစ်တစ်ခုအဖြစ် ဖွဲ့စည်းလေ့ရှိသည်။ ၎င်းကို ရုပ်လောကတွင် ဖန်တီးလိုက်သည့်အရာတွင် အဆိုပါ မီးမ်သည် ကပ်ငြိစီးနင်းလျက် အခြားလူများဆီသို့ ပျံ့ပွားသည်။

လက်တွေ့ကျသည့် အဓိပ္ပာယ်ဖွင့်ဆိုချက်
မီးမ်ဟူသည် စိတ်ထဲတွင်ရှိသော သတင်းအချက်အလက် ယူနစ် တစ်ခုဖြစ်ပြီး၊ အခြားသူ၏ စိတ်များတွင်လည်း သတင်းအချက်အလက်မိတ္တူများ ပျံ့ပွားစေနိုင်ခြင်းကို လွှမ်းမိုးအားပေးနိုင်စွမ်းရှိသည်။ (တနည်းအားဖြင့် မိမိကိုယ်ကို ပုံတူကူးနိုင်စွမ်း ရှိသည်)

မီးမ်တွေရဲ့ ယှဉ်ပြိုင်ကြိုးဝိုင်း

          အရင်တုန်းက ကျွန်တော်တို့ နေထိုင်တဲ့ ကမ္ဘာလောကကြီးမှာ မီးမ်တွေအတွက် နေရာမရှိပါဘူး။ ဂျင်းန် (ဗီဇ) တွေအတွက်ပဲ နေရာရှိတယ်။ လွန်ခဲ့တဲ့ နှစ်သန်း၎ဝဝဝ လောက်တုန်းက ကမ္ဘာဂြိုဟ်မှာ အခြေအနေပေးနေလို့ အော်ဂန်းနစ် - ‘သက်ရှိ’ ဒြပ်ပေါင်းတွေဟာ ဓာတ်ပြုရင်း ပိုမိုရှုပ်ထွေးဆန်းကြယ်တဲ့ ဓာတုစနစ်တွေဖြစ်လာတယ်။ အဲဒီ့ကနေ ဇီဝဓာတုစနစ်တွေဖြစ်လာတယ်။ နောက် နှစ်သန်း ၂ဝဝခန့်အတွင်းမှာ သက်ရှိဆဲလ်တွေ ပေါ်ပေါက်လာတော့တယ်။ ဗီဇဟာ ဒီအန်အေခေါ်တဲ့ မော်လီကျူးတစ်မျိုးမှာ စတင်ဖြစ်တည်ခဲ့တယ်။ ဗီဇတွေရဲ့ အချိန်နဲ့အမျှ ပြောင်းလဲမှု၊ ပွားများမှုကြောင့် သက်ရှိတွေဟာ မျိုးစိတ်မျိုးစု ဘီလီယံနဲ့ချီအောင် ပွားများမျိုးကွဲကြတယ်။ ပြောင်းလဲသေဆုံးကြတယ်။ ကနဦး ပရိုင်းမိတ်တွေကနေ လူတွေ မပေါ်ပေါက်လာခင်အထိ ဗီဇတွေကသာ သက်ရှိတွေကို လွှမ်းမိုးနေပါတယ်။ လူတွေ ပေါ်ပေါက်လာတဲ့အခါ လူသားနဲ့အတူ၊ အနုပညာနဲ့ အသိပညာတွေ ပါရှိလာတယ်။ ဒီအရာတွေမှာ သတင်းအချက်အလက်တွေ ကြွယ်ဝစွာ ပါဝင်နေပါတယ်။ လူသားဆင့်ကဲဖြစ်စဉ် တစ်လျှောက်မှာ ဒီ သတင်းအချက်အလက်တွေဟာ မီးမ်တွေအဖြစ် တဖြည်းဖြည်း စုစည်းမိလာခဲ့တာပါပဲ။ ယနေ့အချိန်မှာတော့ မီးမ်တွေ ဖြစ်ပျက်ပြောင်းလဲဖို့ အခြေအနေက လိုတာထက်တောင် ပိုနေပါသေးတယ်။

          စီးပွားရေးမှာ ငွေတွေကို ပိုက်ဆံအဖြစ် မထုတ်လုပ်နိုင်အောင် များပြားလာလို့ ကွန်ပျူတာတွေမှာ ကိန်းဂဏန်းတွေအဖြစ် ဘဏ်အကောင့်တွေမှာ သိမ်းကြရတယ်။ ပညာသင်ကြားရေးမှာ ကမ္ဘာလုံးဆိုင်ရာသတင်းကွန်ယက် (Worldwide Web) လို အရာတွေက မရှိမဖြစ် လိုအပ်လာတယ်။ စစ်ပွဲတွေမှာ တိုက်ကျော်ပစ်ဒုံးကျည်တွေကို လျှပ်စစ်ကုတ်တွေနဲ့ အမိန့်ပေးတယ်။ သတင်းအချက်အလက်ခေတ် (Information Age) မှာရောက်နေတဲ့ ကျွန်တော်တို့ ကမ္ဘာကြီးဟာ ယခုဆိုရင် မီးမ်တွေ ပွားများပြောင်းလဲဖို့ ပြိုင်ဆိုင်ပွဲတွေ ဆင်နွှဲဖို့ စစ်တလင်းပြင်ကြီးတစ်ခု ဖြစ်လာရန် ရင့်မှည့်နေပြီ ဖြစ်တယ်။

          ကိုယ်ကျိုးရှာဗီဇတွေက သူတို့ရေရှည်ရပ်တည်ဖို့အတွက် သက်ရှိတွေကို တစ်ကိုယ်ကောင်းဆန်ဖို့၊ သို့မဟုတ် မျိုးတူချင်း ရိုင်းပင်းဖို့ အားပေးကြသလို၊ မီးမ်တွေကလည်း ကိုယ်ကျိုးရှာမီးမ်တွေဖြစ်ကြတယ်။ ဗီဇတွေ စီးနင်းလိုက်ပါတဲ့ သက်ရှိတွေအတွက် သဘာဝအရင်းအမြစ် (အစာ၊ နေရာ) တွေက အကန့်အသတ်ရှိနေကြလို့ အလိုအလျောက် ပြိုင်ဆိုင်မှုတွေ ဖြစ်လာသလိုမျိုးပဲ၊ မီးမ်တွေ စီးနင်းလိုက်ပါတဲ့ လူ့စိတ်တွေမှာလည်း အကန့်အသတ်တွေ ရှိနေတယ်။ ဥပမာဆိုရင် လစ်ဘရယ်ဝါဒ (Liberalism) နဲ့ လူမျိုးခြားဖိနှိပ်ဝါဒတွေဟာ မီးမ်တွေဖြစ်ကြတယ်ဆိုရင်၊ လစ်ဘရယ်ဝါဒဟာ လူမျိုးခြားဖိနှိပ်ဝါဒ မီးမ် (Racism) နဲ့ ဝိရောဓိဖြစ်နေလို့ စိတ်တစ်ခုတည်းမှာ အတူယှဉ်တွဲ မရှိနိုင်ဘူး။ လူ့စိတ်ရဲ့ ကြောင်းကျိုးဆီလျော်မှု သို့မဟုတ် စိတ်သက်သာမှု စတဲ့ အကန့်အသတ်တွေကြားမှာ အတိုက်အခံမီးမ်တွေက လူများစွာရဲ့ စိတ်တွေကို ဖမ်းစားဖို့ ကြိုးစားပါတော့တယ်။

မီးမ်ဥပမာများ

          မီးမ်ဆိုတာ သတင်းအချက်အလက်တွေနဲ့ ပြုလုပ်ထားပါတယ်။ ဒါပေမယ့် မီးမ်ဆိုတာ ဘယ်လိုအရာတွေလဲဆိုတာ မျက်စိထဲ မြင်ဖို့ ခက်နေပါလိမ့်မယ်။ ဒါကြောင့် တွေ့မြင်ရတတ်တဲ့ မီးမ်တွေကို ဥပမာပေးချင်ပါတယ်။

အတွေးအမြင်တွေ ။      ။ ကမ္ဘာက နေကို လှည့်ပတ်နေတယ်ဆိုတာ မီးမ်တစ်ခုပါ။ ခုနကပြောတဲ့ လူသားအားလုံး သာတူညီမျှမှုကို ရှေးရှုတဲ့ လစ်ဘရယ်ဝါဒကလည်း မီးမ်တစ်ခုပဲ။ မီးမ်အယူအဆမှာ မှန်ကန်ခြင်း မှားယွင်းခြင်းကို အသားမပေးပါဘူး။ အဓိက က မီးမ်တစ်ခုမှာ ပါတဲ့ သတင်းအချက်အလက်တွေက တခြားလူရဲ့စိတ်တွေကို ဖမ်းစားနိုင်ရမယ်၊ ဆွဲဆောင်မှုရှိတဲ့ အတွေးအမြင်တွေ ဖြစ်နေရမယ်။ သတင်းအချက်အလက် မှန်ကန်ခြင်းဆိုတာ မီးမ်တစ်ခု အောင်မြင်ပွားများဖို့ အထောက်အကူပြုတဲ့ အချက်များစွာထဲက တစ်ခုသာ ဖြစ်ပါတယ်။ ၂ဝ၁၂မှာ ကမ္ဘာပျက်မယ်ဆိုတဲ့ သတင်းအတု မီးမ်ဟာ မှားယွင်းပါတယ်။ ဒါပေမယ့် လူ့စိတ်ကို ဖမ်းစားနိုင်တာကြောင့် အဲဒီ့မီးမ်ကို လူတစ်ယောက်က သိသွားတာနဲ့ တခြားသူကို သူ့လို သိစေချင်အောင် နှိုးဆွပေးပါတယ်။ ဒါကြောင့်လည်း ၂ဝ၁၂တုန်းက ကမ္ဘာပျက်တော့မယ်လို့ လူတွေများစွာ အုတ်အော်သောင်းနင်းဖြစ်သွားတာပဲ။ သတင်းက အမှားကြီးပေမယ့် ခုနကပြောသလို တဆင့်စကား တဆင့်ကြားအောင် ပျံ့ပွားစေဖို့ လူ့စိတ်ကို နှိုးဆွပေးနိုင်ရင် ဒီ မီးမ်က အောင်မြင်တဲ့ မီးမ်ဖြစ်လာပါတယ်။


သံစဉ် ။         ။  အောက်မှာဖော်ပြထားတဲ့ တေးစာက ဂီတဆရာ Beethoven ရဲ့ Symphony 5 က သံစဉ်အတွက်ပါ။ အဲဒီ့ သံစဉ်ကို Beethoven ဖွဲ့နွဲ့ခဲ့ပြီးနောက် ရာစုနှစ်ပေါင်းများစွာကြာအောင် တိုက်ကြီးတစ်ခုကတစ်ခု ကူးလူးပေါက်ရောက် ပျံ့နှံ့ခဲ့ပါတယ်။

ရုပ်ပုံလွှာများ ။     ။ အိုက်ဇက် နယူတန် အသက်ထင်ရှားရှိစဉ်က အင်္ဂလန်မှာ အထင်ရှားဆုံး ပုဂ္ဂိုလ်တစ်ယောက် ဖြစ်ပေမယ့် သူ့ရုပ် ဘယ်လိုပုံမှန်း ဘယ်သူမှ တပ်တပ်အပ်အပ် မသိကြပါဘူး။ ဒါပေမယ့် မထင်မရှားရှိလှတဲ့ မျက်နှာပုံတွေအရ ပြန်ဆွဲထားတဲ့ သူ့ ပုံတူရုပ်ပုံကားတွေကြည့်ပြီး သန်းနဲ့ချီတဲ့လူတွေဟာ သူဘယ်လို ပုံမှန်း စိတ်ထဲမှာ ပြတ်ပြတ်သားသား ရှိနေကြပါပြီ။ ပိုပြီး ပျံ့နှံ့ထင်ရှားပြီး ဖျောက်ဖျက်မရနိုင်တာမျိုးကတော့ မိုနာလီဇာအပြုံးလို ပန်းချီကားမျိုး၊ လူတွေ စိတ်ကူးယဉ်ဆွဲထားတဲ့ ဂြိုဟ်သားရဲ့ ပိန်ကပ်ကပ် ကိုယ်အချိုးအပေါက်မျိုး စတာတွေပေါ့။ ဒါတွေဟာ မီးမ်တွေပဲဖြစ်တယ်။

          သူတို့က နယူတန်ရဲ့ တကယ့်မျက်နှာ ဟုတ်ချင်မှ ဟုတ်မယ်။ မိုနာလီဇာကို သရုပ်ဆောင်ခဲ့တဲ့ အမျိုးသမီး ဟုတ်ချင်မှ ဟုတ်မယ်။ တကယ့်ရုပ်လောကနဲ့ မသက်ဆိုင်တဲ့ ထင်မြင်ချက်တွေသာဖြစ်တယ်။ မက်ထရိုပိုလစ်တန် ပြတိုက်မှာ ခရီးသွားလမ်းညွှန်တစ်ယောက်က ပြောနေတယ်။ “လူကြီးမင်းတို့ ဒါက ပထမဆုံး အမေရိကန်သမ္မတ ဂျော့ ဝါရှင်တန် (George Washington) ရဲ့ ပုံတူ ပန်းချီကားဖြစ်ပါတယ်။ ဒါပေမယ့် အပြင်မှာတော့ သူက အဲလိုရုပ်မျိုး ဟုတ်ချင်မှ ဟုတ်မှာပေါ့။ ဒါပေမယ့် ခုချိန်မှာတော့ သူရုပ်က အဲဒီ့ ပန်းချီကားထဲက အတိုင်းပါပဲ” တဲ့။ ဒါသိပ်မှန်တာပေါ့။

စကားစုများ ။    ။ ဘုရားသခင် ဘာဖန်တီးလိုက်သလဲ? (What hath God Wrought?) ဆိုတဲ့ ကောက်နှုတ်စာသားဟာ ထွက်ပေါ်လာတာ ကြာပြီဖြစ်ပေမဲ့ ဘာသာရေးစာပေ အပြင် တစ်ခြားစာပေတွေ ထဲကိုပါ အလျင်အမြန် ရောက်ရှိလာပါတယ်။ ဒီအသုံးကို မကြာခဏတွေ့ရှိ ရတတ်ပါတယ်။ သီချင်းစာသားထဲက စကားစုတွေကိုယ်တိုင်လည်း မီးမ်တွေ ဖြစ်နိုင်တယ်။ ဥပမာအားဖြင့် ‘ကမ္ဘာမကြေ မြန်မာပြည်’ ဆိုတဲ့ စကားစုမျိုးပေါ့။ ဆင့်ကဲဖြစ်စဉ် သီအိုရီမှာ သက်ရှိတွေ အသက်ရှင်ဖို့ ယှဉ်ပြိုင်ကြရတာကို အထက်မှာ ဖော်ပြခဲ့ပါတယ်။ ဒီယှဉ်ပြိုင်မှုကြောင့် ပတ်ဝန်းကျင်နဲ့ အသင့်တော်ဆုံးသူက ရှင်ကျန်ရစ်မယ်ဆိုတာကို အတော်ဆုံးရဲ့ ရှင်ကျန်မှု (Survival of the Fittest) လို့ အလွယ်သုံးလေ့ရှိတယ်။ အဲဒီလို မှတ်မိဖို့ လွယ်ကူတဲ့ စကားစုတွေ၊ ဆောင်ပုဒ်တွေ၊ ကြွေးကြော်ချက်တွေဟာလည်း ပျံ့ပွားလွယ်တဲ့ မီးမ်တွေဖြစ်ကြတယ်။

မီးမ်တစ်ခုကို ခွဲဖြာခြင်း

          မီးမ်ရဲ့ အဓိပ္ပာယ်ဖွင့်ဆိုချက်ကို ပြန်ပြောရရင် လူ့စိတ်ထဲမှာ ရှိတဲ့ သတင်းအချက်အလက်ဆိုင်ရာ ယူနစ်တစ်ခုဖြစ်ပြီး အခြားသူတွေရဲ့ စိတ်ထဲမှာ ပျံ့ပွားသွားမှုကိုလည်း အားပေးပါတယ်။ ကျွန်တော်တို့ သတိပြုစရာ ရှိတာက သတင်းအချက်အလက်တိုင်းကို မီးမ်လို့ သတ်မှတ်လို့မရပါဘူး။ ဥပမာ ကျွန်တော်တို့ လက်ကိုင်ဖုန်းနံပါတ်က မီးမ် မဟုတ်ပါဘူး။ ကျွန်တော်တို့ ဓာတ်ပုံက မီးမ် မဟုတ်ပါဘူး။ ရိုးရှင်းလွယ်ကူတဲ့ သတင်းအချက်အလက်တွေက မီးမ် မဟုတ်ပါဘူး။ နံပါတ်သုံးဟာ မီးမ်မဟုတ်ပါ။ အပြာရောင်ကလည်း မီးမ် မဟုတ်ပါ။  မီးမ်တွေက ယေဘုယျအားဖြင့် ပိုမို ရိုးရှင်းတဲ့ သတင်းအချက်အလက်တွေနဲ့ တည်ဆောက် ထားတာဖြစ်တယ်။ မီးမ်တွေကို ယူနစ်လို့ ညွှန်းဆိုခဲ့တာကြောင့် စိတ်ပိုင်းမရတဲ့ သဘာဝရှိတယ်လို့တော့ သတ်မှတ်လို့မရပါဘူး။ ဥပမာအားဖြင့် ဇီဝဗေဒမှာ ဆဲလ်က ယူနစ်ဖြစ်တယ်။ ဒါပေမယ့် ဓာတုဗေဒနဲ့ ကြည့်ရင် ဆဲလ်ကို မော်လီကျူးတွေနဲ့ ဖွဲ့စည်းထားတာပါ။ ဒီကိစ္စမှာလည်း မီးမ်က သတင်းအချက်အလက်သီအိုရီ အတွက်သာ ယူနစ်တစ်ခုဖြစ်တယ်။ မီးမ်တစ်ခုထဲမှာလည်း သူဖြစ်လာအောင် ဖွဲ့စည်းပေးထားတဲ့ မီးမ်တွေ ရှိနိုင်သေးတယ်။

          အထက်မှာ ဆွေးနွေးခဲ့တဲ့ ဘောလုံး အားကစား ဆိုတဲ့ မီးမ်ကိုပဲ ပြန်ကြည့်ရအောင်။ ဘောလုံး အားကစားဆိုတဲ့ မီးမ်ဟာ ပြန်ကန်ထွက်တဲ့ ပစ္စည်းတစ်မျိုးနဲ့ ပြုလုပ်ထားတဲ့ စက်လုံးတစ်ခုကို လက်နဲ့ဖြစ်စေ၊ ခြေနဲ့ဖြစ်စေ ကျင်လည်စွာ ကစားပြခြင်းပဲဖြစ်တယ်။ အဲဒီ့ ဘောလုံးဆိုတဲ့ ဝတ္ထုရဲ့ အိုင်ဒီယာနဲ့ အားကစား ဆိုတဲ့ အိုင်ဒီယာတွေကိုယ်တိုင်ကလည်း မီးမ်တွေ ဖြစ်ကြတယ်။ ဘောလုံးအားကစားနဲ့ ဆက်စပ်တဲ့ အားကစားထဲမှာ ဘတ်စကပ်ဘော၊ ဘောလုံးအားကစား၊ ဗော်လီဘောတွေ ပါဝင်လိမ့်မယ်။ အဲဒီ့ ဘောလုံးအသုံးပြုရတဲ့ အားကစားနည်းတွေ ကိုယ်တိုင်ကလည်း မီးမ်တွေပါပဲ။ ဘောလုံးကန်ခြင်း တစ်မျိုးတည်းမှာပဲ ကစားစည်းမျဉ်းနဲ့ နည်းဗျူဟာတွေ ပါဝင်နေလိမ့်မယ်။

ပုံ - ဘောလုံးအားကစားကို ဖွဲ့စည်းသည့် မီးမ်များ။ ဘောလုံး အားကစားများစွာသည် ဘောလုံးအသုံးပြုရသည့် အားကစား ဟူသော Meme ကို ဖွဲ့စည်းပေးသည့် သတင်းအချက်အလက်များဖြစ်သည်။ ဘောလုံး အားကစား တစ်ခုချင်းစီ၏ နည်းဗျူဟာနှင့် စည်းမျဉ်းများက Meme အဖြစ်ပေါင်းစည်းပေးသောအခါ Volleyball စသည့် ဘောလုံး အားကစား meme များဖြစ်လာသည်။ တဖန် ဘောလုံးအားကစား meme များကိုယ်တိုင်က ၎င်းတို့ထက် ပို၍ယေဘုယျကျသည့် ဘောလုံးကို အသုံးပြု၇သည့် အားကစားဆိုသော အိုင်ဒီယာ Meme တစ်ခုကို ဖွဲ့စည်းပေးသည့် သတင်းအချက်အလက်များ ဖြစ်နေသည်။ ဆိုလိုသည်မှာ သတင်းအချက်အလက်တစ်ခုခုသည် ၎င်းကိုယ်တိုင် Meme ဖြစ်နေနိုင်သလို၊ အခြား Meme ကို ဖွဲ့စည်းပေးသည့် အစိတ်အပိုင်းများလည်း ဖြစ်နိုင်သည်။

           ဥရောပတိုက်မှာ မရှိသေးတဲ့ ဘောလုံး အားကစားကို စပိန်တွေက ယူဆောင်လာခဲ့ရင် ဘောလုံး အားကစားကိုယ်တိုင်က မီးမ်ပါပဲ။ ဘောလုံးကို အသုံးပြုတဲ့ အားကစား အသစ်တွေ ပေါ်ပေါက်လာတိုင်း၊ သူတုိ့ ပျံ့နှံ့သွားတိုင်းမှာ အဲဒီ့ အားကစား အသစ်တစ်ခုချင်းစီက မီးမ်တွေဖြစ်လိမ့်မယ်။ ဥပမာ ဘောလုံးကန်ခြင်းကို လူသိများတဲ့နိုင်ငံမှာ ဘေ့စ်ဘော (Baseball) ကစားနည်းကို မိတ်ဆက်ပေး စမ်းသပ်နေတဲ့ အချိန်မျိုးပေါ့။ ဆိုလိုတာက အခြေအနေအပေါ် မူတည်ပြီး သတင်းအချက်အလက်တွေက မီးမ်တစ်ခုကို ပါဝင်ဖွဲ့စည်းထားတဲ့ သာမန် သတင်းအချက်အလက်တွေလည်း ဖြစ်နိုင်သလို၊ မီးမ်အဖြစ် ပြုမူနေတာလည်း ရှိနိုင်တယ်။ မီးမ်ကို ယူနစ်တစ်ခုလို့ပြောတာက တည်ဆောက်ပုံဆိုင်ရာ ယူနစ် (Structural Unit) မဟုတ်ပဲ ဆောင်ရွက်မှုဆိုင်ရာယူနစ် (Functional Unit) တစ်ခုသာ ဖြစ်ပါတယ်။

မီးမ်တွေ ပျံ့နှံ့ ပုံ

          မီးမ် ပျံ့နှံ့ပုံအကြောင်း မပြောခင် ကွန်ပျူတာနည်းပညာရဲ့ Software နဲ့ Hardware သဘောတရားတွေကို ပြောချင်ပါတယ်။ ကျွန်တော်တို့ Software တစ်ခု ဝယ်ယူလိုက်ရင် CD တွေနဲ့ သို့မဟုတ် Download Access တွေအနေနဲ့ ရောင်းချလေ့ရှိတယ်။ ဒါပေမယ့် အဲဒီ့ CD က Software မဟုတ်ပါ။ Hardware သာဖြစ်ပါတယ်။ CD ကို ကွန်ပျူတာထဲမှာ ဖတ်လိုက်မှ ထွက်လာတဲ့ သတင်းအချက်အလက်တွေကသာ Software ဖြစ်တယ်။ ထိုနည်းလည်းကောင်းပဲ၊ ဗီဇဆိုတာ Software နဲ့ တူတယ်။ ရုပ်ဝတ္ထုမဟုတ်တဲ့ သတင်းအချက်အလက်တွေပါ။ သင့်အရပ်ဘယ်လောက် ရှည်နိုင်မလဲ၊ သင့် အသားအရောင်က ဘယ်လိုဖြစ်မလဲ ဆိုတာမျိုးကို သတ်မှတ်ပေးတဲ့ သတင်းအချက်အလက်တွေသာ ဖြစ်တယ်။ ဗီဇ ဆိုတဲ့ Software က ဒီအန်အေ (DNA) ခေါ်တဲ့ Hardware ထဲမှာ မှီခိုကိန်းအောင်းနေတာပါ။ မီးမ်တွေလည်း သဘောတရားချင်း ဆင်ပါတယ်။ မီးမ်ကလည်း ဗီဇ(ဂျင်းန်) လို Software ဖြစ်တယ်။ သူလည်း Hardware တစ်ခုမှာ ကိန်းအောင်း မှီခိုနေဖို့ လိုအပ်ပါတယ်။

          မီးမ်ခေါ်တဲ့ သတင်းအချက်တွေ မှီခိုကိန်းအောင်းရာနေရာကတော့ ကျွန်တော်တို့စိတ်ထဲက မှတ်ဉာဏ် အစိတ်အပိုင်းပါပဲ ဖြစ်တယ်။ ကျွန်တော့်မှတ်ဉာဏ်ထဲမှာ ဘောလုံးအားကစားနည်း မီးမ်ရှိတယ်။ ဘောလုံးကစားနည်း မသိသေးတဲ့ သူတစ်ယောက်ကို ကျွန်တော်က ဘောလုံးအကြောင်း မိတ်ဆက်ပေးမယ်၊ ကစားတဲ့စည်းမျဉ်းတွေအကြောင်း မိတ်ဆက်ပေးမယ်ဆိုရင် ဘောလုံးအားကစားမီးမ် ဟာ ကျွန်တော့် ဦးနှောက်ကနေ အသံအိုးဆီ ဒီကနေ စကားသံအဖြစ် တပါးသူရဲ့ နားကို ရောက်ရှိတယ်။ သူ့ရဲ့ ဦးနှောက်ထဲမှာ ကျွန်တော့်စကားကို အဓိပ္ပာယ် ဖော်လိုက်တဲ့အခါ ဘောလုံးအားကစားအကြောင်းကို သူသိရှိသွားတယ်။ တနည်းပြောရရင် ကျွန်တော့်ဆီကနေ ဘောလုံးအားကစား မီးမ်က တခြားသူဆီကို စကားသံကနေ တဆင့် ပျံ့ပွားသွားတာပဲ ဖြစ်တယ်။

          လူသားတွေကသာ အဆင့်မြင့်တဲ့ နှုတ်ထွက်ဘာသာစကားကို ပြောဆိုနိုင်တဲ့ တစ်ခုတည်းသော သတ္တဝါမျိုးနွယ်ဖြစ်ပါတယ်။ ဒါပေမယ့် မီးမ်တွေဟာ ဘာသာစကား မပေါ်ပေါက်ခင်တည်းက ပျံ့နှံ့နိုင်ပါတယ်။ သမာရိုးကျ အတုခိုးပြုလုပ်တာမျိုး ဥပမာအားဖြင့် မြားခေါင်းတစ်ခု ဘယ်လို ချွန်မလဲဆိုတာမျိုး၊ မီးဘယ်လိုမွှေးမလဲ ဆိုတာမျိုးလောက်ကို သင်ယူဖို့ (တစ်နည်း - မီးမ်တွေ ပျံ့ နှံ့ဖို့) လုံလောက်ပါတယ်။ တိရစ္ဆာန်တွေမှာဆိုရင် ချင်ပန်ဇီနဲ့ ဂေါ်ရီလာတွေဟာ အပြုအမူ အလေ့အထတွေ အချင်းချင်း အတုယူပြီး သင်ယူတတ်မြောက်တာ တွေ့ရပါတယ်။ တစ်ချို့ တေးသီဆိုတဲ့ ငှက်မျိုးတွေဆိုရင်လည်း ဘေးနားက မျိုးစိတ်တူ ငှက်တွေဆိုတဲ့ တေးတွေကို နားထောင်ပြီး အသံတု သီဆိုနိုင်ကြပါတယ်။ (ခုနောက်ပိုင်းဆို ငှက်သုတေသီတွေရဲ့ ငှက်တေးသံပါတဲ့ တိတ်ခွေ တွေကနေ သင်ယူတာကို လည်းတွေ့ရပါတယ်)။ ငှက်တွေမှာ မျိုးစိတ်အလိုက် သီဆိုတဲ့ ငှက်တေး တွေ ရှိကြပါတယ်။ အတိုချုပ်ပြောရရင်တော့ လူတွေ ယဉ်ကျေးမှု ဆိုတာ မတည်ဆောက်နိုင်ခင် ခေတ်ပေါင်းများစွာတည်းက ငှက်တွေမှာ တေးသီချင်းယဉ်ကျေးမှု အလေ့အထ တစ်မျိုးရှိနေပြီဆိုတာပါပဲ။ ဒါပေမယ့် ဘာသာစကားမှာ ထူးခြားတဲ့ လက္ခဏာ နှစ်ဆင့်ရှိတယ်။ ပထမ တစ်ဆင့်က ရုပ်မဲ့အသွင်ပြောင်းခြင်း (Abstraction) ပါ။ သာဓကအားဖြင့် စိတ်ဆိုတဲ့ စကားလုံးအတွက် ရုပ်ပစ္စည်းမရှိပါဘူး။ ဒါပေမယ့် စိတ်လို့ပြောလိုက်ရင် အဲဒီ့ ရုပ်မဲ့သဘောတရားကို အချင်းချင်း နားလည်နိုင်ကြတယ်။ ဒုတိယကတော့ ကုတ်ပိတ်ခြင်း (Encoding) ပဲဖြစ်တယ်။ ဘာသာစကားနဲ့ ပြောရတာဟာ လက်ဟန်ခြေဟန်နဲ့ ဆက်သွယ်ရတာထက် များစွာ ပြေပြစ်အဆင်ပြေစေတာကတော့ ဒီဂုဏ်သတ္တိကြောင့်ပဲ။ စကားလုံးတွေရဲ့ အထားအသိုနဲ့ အကြောင်းအရာ အပေါ်လိုက်ပြီး အနက်အဓိပ္ပာယ်တွေ၊ သတင်းအချက်အလက်တွေကို စကားလုံး ပမာဏနည်းနည်းနဲ့ ထိရောက်အောင် ဖော်ပြနိုင်တယ်။ ဒါကြောင့် ဘာသာစကားဆိုတာဟာ သတင်းအချက်အလက်တွေကို ပမာဏများများနဲ့ လျင်မြန်ထိရောက်စွာ ဆက်သွယ်ပေးနိုင်တဲ့ ကိရိယာတစ်ခုပဲဖြစ်တယ်။

          အစောပိုင်းမှာတော့ ဘာသာစကားကို နှုတ်ပြောစကား အနေနဲ့သာ ဆက်သွယ်နိုင်ကြတယ်။ နှုတ်ပြောအစဉ်အလာတွေနဲ့ သတင်းအချက်အလက်တွေကို ထိန်းသိမ်းကြတယ်။ အက္ခရာစာလုံး မရှိခင် သတင်းအချက်အလက်တွေကို မပျောက်ပျက်အောင် အာဂုံဆောင်ခြင်းနဲ့ ထိန်းသိမ်းကြပါတယ်။ အဲဒီ့နောက်မှာ အက္ခရာစာလုံးတွေ ပေါ်ပေါက်လာခဲ့တယ်။ ပြောစကားကို စာအဖြစ် ချရေးမှတ်တမ်းတင် နိုင်လာကြတယ်။ စာပေလောကဆိုတာကြီး ဖြစ်လာတယ်။ ဒီ့နောက်မှာတော့ ကျွန်တော်တို့ ပုံနှိပ်လုပ်ငန်း ပေါ်ပေါက်လာတဲ့အခါ စာပေလောကဟာ လူသားအများစုဆီသို့ လွယ်လင့်တကူ ရောက်ရှိလာတော့တယ်။ ကျွန်တော်တို့ သတင်းအချက်အလက်ခေတ်မှာတော့ အင်တာနက် ပေါ်ပေါက်လာတာကြောင့် သတင်းအချက်အလက်တွေကို ရှာဖွေရတာ အရင်တုန်းကထက် ပိုမိုလွယ်ကူမြန်ဆန်လာပါတယ်။

ပုံ - ဦးနှောက်ထဲမှ သတင်းအချက်အလက်များသည် ပျံ့ပွားနိုင်သည့် မီးမ်များ အဖြစ် စုဝေးချိတ်ဆက်လျှင် လူတစ်ဦးမှတစ်ဦးသို့ ကူးစက်ပျံ့နှံ့လျက်ရှိသည်။

          ခေတ်သစ်နည်းပညာကြောင့် မီးမ်တွေဟာ နှုတ်ပြောစကားမှာတင် ကန့်သတ်ခံ မထားရတော့ပဲ သတင်းမီဒီယာတွေကနေ များစွာ ပျံ့ပွားနိုင်လာတယ်။ မီးမ်တွေကို ပျံ့ပွားဖို့ နည်းပညာတွေကို ကျွန်တော်တို့က တီထွင်တယ်လို့ ပြောကြမယ်။ ဒါပေမယ့် မီးမ်ရှုထောင့်ကနေ ကြည့်ရင် ဒီ မီးမ်တွေရဲ့ ပြောင်းလဲတိုးတက်မှုကြောင့် နည်းပညာဆိုတာ ဖြစ်လာတာပဲ။ ဒါကြောင့် မီးမ်တွေကပဲ သူတို့ ပိုမိုပျံ့ပွားနိုင်တဲ့ နည်းပညာစနစ်တွေ ရအောင် လူတွေကို တီထွင်ခိုင်းတယ်လို့ လည်းပြောလို့ရနေပြန်တယ်။
တချို့အခြေအနေတွေမှာတော့ ဘာသာစကား မပါပဲ မီးမ်တွေ ပျံ့နှံ့နိုင်ကြတယ်။ ခါးလှည့်ကွင်းကို ဥပမာပေးပါ့မယ်။ ဒီ ပစ္စည်းကို ပလတ်စတစ်နဲ့ လုပ်ထားပါတယ်။ အတွေးအခေါ် အိုင်ဒီယာ တစ်ခုမဟုတ်ပါဘူး။ ဒါပေမယ့် ကောင်မလေးတစ်ယောက် ခါးလှည့်ကွင်းဆော့တိုင်း၊ ရုပ်မြင်သံကြားမှာ ခါးလှည့်ကွင်းဆော့တဲ့ ပြကွက် ပါလာတိုင်း၊ အဲဒီ့ ခါးလှည့်ကွင်းလေးက ခါးလှည့်ကွင်း ကစားနည်းဆိုတဲ့ မီးမ်ကို ပျံ့နှံ့စေပါတယ်။ ဒါကြောင့် ခါးလှည့်ကွင်းတွေဟာ ခါးလှည့်ကွင်းမီးမ် စီးနင်းမှီခိုတဲ့ ယာဉ်တွေပါပဲ။ ဒဿနပညာရှင် ဒန်နီယယ် ဒန်းနတ် (Daniel Dennett) ပြောသလိုပေါ့။ ဒန်းနတ်ရဲ့ စကားကောက်နှုတ်ချက်ကတော့ “လှည်းတစ်စီးဟာ သယ်လာတဲ့ ကုန်တွေကို လိုရာအရပ်ကို သယ်ပို့ပေးသလိုပဲ၊ လှည်းဆိုတဲ့ ထူးထူးခြားခြား အတွေးအခေါ်တစ်ခု၊ တီထွင်မှုတစ်ခုကိုလည်း သယ်ပို့ပေးပါသေးတယ်။” ဆိုပါသတဲ့။

           ပြန်အကျဉ်းချုပ်ရရင်တော့ မီးမ်တွေက ဘာသာစကားအဖြစ် နှုတ်စကားနဲ့ သတင်းမီဒီယာတွေမှာ ပျံ့နှံ့သလို၊ ခါးလှည့်ကွင်း၊ လှည်းဘီး၊ ဘောလုံးအားကစား စတဲ့ ရုပ်လောကမှာ ဖန်တီးလိုက်တဲ့ မီးမ်ထုတ်ကုန်တွေကိုယ်တိုင်ကလည်း မီးမ်တွေ စီးနင်းပျံ့နှံ့ဖို့ ယာဉ်အဖြစ် ဆောင်ရွက်ပေးပါတယ်။

မီးမ်အလွန်မီးမ်များ

          ခပ်ဆန်းဆန်းမေးခွန်းလေးတွေကို ခပ်လန်းလန်းလေး ဖြေဖို့လိုပါလိမ့်မယ်။ ခပ်ဆန်းဆန်းမေးခွန်း ဆိုတာက ဒီလိုပါ။ “ပျံ့ပွားလွယ်တဲ့ သတင်းအချက်အလက်အစုအဝေးတစ်ခုကို မီးမ်လို့ခေါ်တယ်ဆိုရင် အခုဆောင်းပါးမှာ ပြောနေတဲ့ မီးမ်တွေအကြောင်း သတင်းအချက်အလက်တွေ၊ ခုနကပြောတဲ့ မီးမ်သီအိုရီ ကိုယ်တိုင်ကရော မီးမ်ပဲလား?” ဆိုတာပေါ့။ မှန်ပါတယ် အခုဆောင်းပါးမှာပြောနေတဲ့ မီးမ်သီအိုရီဆိုတာ မီးမ်တွေအကြောင်း ဖော်ပြထားတဲ့ မီးမ်တစ်ခုပဲ။ ဒါပေမယ့် တခြား မီးမ်တွေနဲ့ ကွဲအောင် မီးမ်အလွန် မီးမ် (Metameme) လို့ခေါ်ကြည့်ရအောင်။

          မီးမ်အလွန်မီးမ်တွေရဲ့ ထူးခြားချက်ကတော့ မီးမ်အလွန်မီးမ် ကိုယ်တိုင်နဲ့ တခြားမီးမ်တွေအကြောင်း လူသားနားလည်အောင် ရှင်းပြတဲ့ သိပ္ပံနဲ့ ဖော်ပြတဲ့ပုံစံ (Scientific Model) တစ်ခုပဲ။ မီးမ်သီအိုရီကြောင့် မီးမ်တွေရဲ့ သဘာဝ၊ ကောင်းကျိုး၊ ဆိုးကျိုး၊ အနာဂတ်အသုံးချမှုများနဲ့ ရှိလာနိုင်တဲ့ အန္တရာယ်တွေအကြောင်း လေ့လာလို့ရတဲ့ သိပ္ပံအယူအဆတစ်ခုပါ။ နှစ်၃ဝလောက်သာ ရှိသေးလို့ အလွန် သက်တမ်းနုတဲ့ အယူအဆဖြစ်ပေမယ့် သတင်းအချက်အလက် သိပ္ပံပညာနယ်ပယ်မှာတော့ ထူးခြားတဲ့ ဘာသာရပ်ခွဲ တစ်ခုပါ။

ဗိုင်းရပ်မီးမ်များ သို့မဟုတ် စိတ်၏ ဗိုင်းရပ်များ (Virus of the Mind)

          ဗိုင်းရပ်ပိုးနဲ့ ကွန်ပျူတာဗိုင်းရပ်တွေအကြောင်း သင်ကြားဖူးသိဖူးမှာပါ။ ဇီဝဗေဒမှာဆိုရင် ဗိုင်းရပ်အကြောင်းကို ရင်းနှီးပြီးသား ဖြစ်မှာပါ။ ဗိုင်းရပ်တွေက ကျွန်တော်တို့ ဆဲလ်တွေထဲကို ကျူးကျော်ကြတယ်။ သူတို့ဟာ သက်ရှိမဟုတ်လို့ ကိုယ်တိုင်ပွားများနိုင်စွမ်း မရှိဘူး။ ဒီတော့ ဆဲလ်တွေထဲက ကျွန်တော်တို့ အသက်ရှင်သန်ဖို့ တည်ဆောက်ဖန်တီးထားတဲ့ ဓာတုစနစ်တွေကို မှီခိုပြီး သူတို့ဗိုင်းရပ် ပုံတူတွေ ပွားများနိုင်ကြတယ်။ ဆဲလ်ထဲမှာ ဗိုင်းရပ်က ကပ်ပါးလုပ်ပြီး အလွန်အမင်း ပွားလွန်းတော့ ဆဲလ်လည်း ပေါက်ထွက်သေဆုံးတာပေါ့။ ဒီလိုနဲ့ ကိုယ်အင်္ဂါမှာ ရောင်ရမ်းမှုတွေ ဖြစ်လာတယ်။ နာမကျန်းဖြစ်တယ်ပေါ့။ ကွန်ပျူတာနည်းပညာမှာလည်း အဲဒီလိုပဲ။ ကွန်ပျူတာ Software တွေမှာ Copy လုပ်တဲ့ Program ရှိတယ်။ ဒီ Program ကို အသုံးချပြီး ကွန်ပျူတာဗိုင်းရပ် Software က Memory နဲ့ Hard Disk တစ်ခုလုံးကို ကသောင်းကနင်းဖြစ်အောင်၊ ပျက်ဆီးအောင် ဒုက္ခပေးတာပေါ့။
ဗီဇသတင်းအချက်အလက်တွေ၊ ကွန်ပျူတာသတင်းအချက်အလက်တွေ အတွက် ဗိုင်းရပ်ရှိရင် ကျွန်တော်တို့ စိတ်ထဲက အကြောင်းအရာ သတင်းအချက်အလက်တွေ အတွက်ရော စိတ်ဗိုင်းရပ် (Mind Virus) ရှိနိုင်တာပေါ့။ သတင်းအချက်အလက်တွေနဲ့ သူတို့ကို ပုံတူကူးပေးမယ့်၊ ပျံ့ပွားစေမယ့် စနစ် တစ်ခုခုရှိတဲ့ နေရာတိုင်းမှာ ဗိုင်းရပ် ရှိနိုင်ပါတယ်။ ဗိုင်းရပ်က သူ့ပစ်မှတ်ကို မိသွားလို့ ကပ်ပါးခံရတဲ့စနစ်က ဗိုင်းရပ်ရဲ့ အသုံးချခံရပြီဆိုရင်တော့ မရှုနိုင်မကယ်နိုင်အောင်ပဲ။ ဗိုင်းရပ်ရောဂါဆိုးကြောင့် လက်လျှော့လိုက်ရတဲ့ ဆရာဝန်တွေနဲ့ ဗိုင်းရပ်ထိသွားတဲ့ ကွန်ပျူတာကို မပြင်နိုင်တော့တဲ့ အိုင်တီကျွမ်းကျင်သူက သက်သေတွေပဲပေါ့။

          ဗိုင်းရပ်တွေက အမျိုးမျိုး ရှိပေမယ့် သတင်းအချက်အလက်သီအိုရီကနေ ကြည့်ရင် ဗိုင်းရပ်ကို အဓိပ္ပာယ်တစ်မျိုး စုစည်းဖွင့်ဆိုနိုင်ပါတယ်။ ဗိုင်းရပ်ဆိုတာ အခြား ပျံ့ပွားရေးစနစ်တစ်ခုကို မှီခိုအသုံးချပြီး သူ့ကိုယ်သူ ပျံ့ပွားအောင် လုပ်တဲ့ အရာကို ညွှန်းဆိုတာပါ။
ကွန်ပျူတာဗိုင်းရပ်ဆိုတာ သူအသုံးချတဲ့ Operating System လို Software တစ်မျိုးပါပဲ။ ဗိုင်းရပ်ပိုးဆိုတာလည်း သူကပ်ပါးပြုတဲ့ ဆဲလ်လောက်နီးနီး သက်ရှိလက္ခဏာတွေ ပြည့်စုံတဲ့ ဇီဝပစ္စည်းတစ်ခုပဲ။ စိတ်ဗိုင်းရပ်ဆိုတာမှာလည်း မီးမ်တွေကို အသုံးချပြီး ပျံ့နှံ့တယ်ဆိုပေမယ့် ဒီဗိုင်းရပ်ကိုယ်တိုင်က မီးမ်ဖြစ်နိုင်တယ်။

          စိတ်ဗိုင်းရပ်တွေက မီးမ်တွေကို အသုံးချတဲ့နည်းအမျိုးမျိုး ရှိပါတယ်။ ဒီအထဲမှာ အန္တရာယ်ကို ညွှန်ပြတဲ့ မီးမ်တွေလည်း ပါတာပေါ့။ ကိုယ်ကျိုးရှာဗီဇတွေအကြောင်း ပြောတုန်းကလို သက်ရှိတွေက ရှင်သန်နေဖို့၊ ပွားများနေဖို့ ရုန်းကန်ရှင်သန်နေကြတယ်ဆိုတာ လူသားတွေအတွက်လည်း မကင်းပါဘူး။ အန္တရာယ်ရှောင်ရှားခြင်းနဲ့ တက်လမ်းရှာခြင်းဆိုတာ  ဆင့်ကဲဖြစ်စဉ်ရှုထောင့်က ကြည့်ရင် ရုန်းကန်ရှင်သန်နေမှုထဲမှာ အရေးအကြီးဆုံး ကိစ္စတွေပဲ။ 

တက်လမ်းရှာခြင်းနဲ့ ပတ်သက်ရင်တော့ သင့်ငွေအရင်းအနှီး အနည်းငယ်နဲ့ အွန်လိုင်းမှာ စီးပွားရေး တစ်ခု စတင်လိုက်ပါ၊ ဒါမှမဟုတ် အာဖရိကဒုက္ခသည်တစ်ယောက်ကို ငွေလွှဲဘဏ်အကောင့် ဖွင့်ပေးပြီး အမွေတစ်ဝက်ဆီ ခံစားပိုင်ဆိုင်လိုက်ပါ၊ စသည်ဖြင့် လုပ်ကြံဇာတ်လမ်းဖြစ်စေ၊ စစ်မှန်တဲ့ လုပ်ငန်းကြော်ငြာတစ်ခုဖြစ်စေ လူတွေ အာရုံစိုက် ခံရလေ့ရှိတယ်။ လူတွေက အန္တရာယ်ရှိတဲ့အရာကိုတော့ ပိုလို့တောင် အာရုံထားကြတယ်၊ လူပိုသိအောင် လုပ်ကြတယ်။ လူအုပ်ထဲမှာ မီးဗျို့၊ မီးမီး လို့ အော်လိုက်ရင် အကုန်လုံး လန့်ဖျန့်ကုန်ကြတာပဲ။ ဒါမှမဟုတ် ဟောဒီမှာ ချိန်ကိုက်ဗုံး တွေ့ထားတယ်ဗျို့ လို့ စမ်းအော်ကြည့်ပါဦး။ “မီး” သို့မဟုတ် “မိမိအနီး၌ မီးလောင်မှုဖြစ်ပွားနေသည်” ဆိုတဲ့ မီးမ်က အသက်အန္တရာယ် ရှိတာကြောင့် လူ့စိတ်ထဲမှာ ဒိုင်းကနဲ အာရုံစိုက်ခံရတဲ့ မီးမ် ဖြစ်ပါတယ်။ စက္ကန့်ပိုင်းအတွင်း လူအုပ်ထဲကို ဒီ မီးမ်က လျင်မြန်စွာ ပျံ့နှံ့သွားတာပါပဲ။

          အန္တရာယ် ညွှန်ပြတဲ့ မီးမ်တွေကို အသုံးချတဲ့ စိတ်ဗိုင်းရပ်တစ်ခုကို ဖော်ပြပါဆိုရင် နာဇီဝါဒကို ဥပမာပေးရမှာပဲ။ နာဇီဝါဒရဲ့ ကြောင်းကျိုး ခိုင်လုံမှုမရှိတဲ့ လူမျိုးကြီးဝါဒနဲ့၊ ဂျူးတွေကို မျိုးတုံးသတ်ဖြတ်လိုမှုတွေက လူအများ လက်မခံနိုင်စရာ အကြောင်းတွေပါ။ အစွန်းရောက်အမျိုးသားဝါဒလို့ သတ်မှတ်လို့ရပါတယ်။ ဒါပေမယ့် ၁၉၃ဝဝန်းကျင်လောက်တုန်းက လူတွေက ဘာလို့ ဒီစက်ဆုပ်ဖွယ် နိုင်ငံရေးဝါဒနောက်ကို လိုက်ခဲ့ကြတာလဲ။ ဒါဟာ စဉ်းစားစရာပါ။ နာဇီတွေက လူအင်အားစုဆောင်းတဲ့အခါ လူထုကို သွေးဆောင်ခဲ့ပါတယ်။ “ဂျူးတွေက ဂျာမနီရဲ့ စီးပွားရေးကို လက်ဝါးကြီးအုပ်နေတယ်၊ မဟာမိတ်စစ်နိုင်သူတွေက ဂျာမနီကို အနိုင်ကျင့်နေတယ်၊ ကြာရင် ဂျာမန်လူမျိုးက နိမ့်ပါးတဲ့ လူမျိုးဖြစ်လာပြီး ဂျာမန်လူ့အဖွဲ့အစည်း တိမ်ကောပျက်သုဉ်းသွားမယ်” စသည်ဖြင့် သတင်းအချက်အလက်တွေကို (မှားသည်ဖြစ်စေ၊ မှန်သည်ဖြစ်စေ) လူထုထဲကို သွတ်သွင်းပေးပါတယ်။ ခုနက မီးလို၊ ချိန်ကိုက်ဗုံးလိုပဲ ဂျူးတွေ၊ မဟာမိတ်နိုင်ငံတွေဟာ အန္တရာယ်ကောင်တွေ ဖြစ်ကြောင်း လူတွေကြားထဲ ဖြန့်ဝေပေးတယ်။ ဒီအခါ ဂျူးတွေ၊ မဟာမိတ်နိုင်ငံတွေက ရန်သူတွေဖြစ်ကြောင်း၊ ဂျာမန်မျိုးတူစု နိုင်ငံတွေချင်း ညီညွတ်ပြီး ရန်သူတွေကို သုတ်သင်ရမှာ ဖြစ်ကြောင်း လူထုကြားထဲမှာ ပျံ့နှံ့လာတယ်။

          အမှန်တော့ စက်ဆုပ်ဖွယ်ရာ စစ်တိုက်ဝါဒ (Militarism)၊ မဟာအမျိုးသားဝါဒ (Ultranationalism) နဲ့ လူမျိုးခွဲခြားဖိနှိပ်ဝါဒ (Racism) တွေက ကိုယ်တိုင် မပျံ့ပွားနိုင်တဲ့အတွက် ပျံ့ပွားလွယ်တဲ့ အန္တရာယ်ကောင်မီးမ် (Danger! Meme) ကို အသုံးချလိုက်တာပါပဲ။ ဒီဖြစ်စဉ်က လူ့ကိုယ်မှာရှိတဲ့ ဆဲလ်တွေကို အသုံးချပြီး ဗိုင်းရပ်ပိုးတွေ ပွားများသလို၊ Windows စနစ်ကို အသုံးချပြီး ကွန်ပျူတာဗိုင်းရပ် ပျံ့ပွားသလိုမျိုးနဲ့ တူညီပါတယ်။

          ဒီနေရာမှာ တစ်ခု သတိထားဖို့ ရှိတာက စိတ်၏ဗိုင်းရပ် ဆိုလိုက်တိုင်း ဗိုင်းရပ်က မကောင်းတဲ့အရာလို့ ပြောလို့မရပါဘူး။ အထက်မှာ ဖော်ပြခဲ့တဲ့ အဓိပ္ပာယ်ဖွင့်ဆိုချက်ကို ပြန်ဖတ်ကြည့်ရင် ရှင်းလင်းမှာပါ။ ပျံ့ပွားရေးစနစ်ကို အသုံးချပြီး သူတို့ကိုယ်သူတို့ ပျံ့ပွားစေတဲ့ အရာ ဘယ်အရာကိုမဆို ဗိုင်းရပ်လို့ ခေါ်လိုက်တာပဲ။

          ကျွန်တော်တို့ ကွန်ပျူတာမှာ Program တစ်ခုသွင်းလိုက်တယ်။ အင်တာနက်ချိတ်ထားလို့ Update တွေ အလိုအလျောက် Download လုပ်တယ်ဆိုရင် ဒီ Update က Windows အကူအညီနဲ့ အထက်ပါ Program သွင်းထားတဲ့ ကွန်ပျူတာတိုင်းကို ပျံ့သွားမှာပါ။ သတင်းအချက်အလက် သီအိုရီအရ ဒီ Update ကလည်း Virus တစ်မျိုးပဲ။ ဒါပေမယ့် ဆိုးကျိုးဖြစ်စေတဲ့ (ကွန်ပျူတာကို ထိခိုက်စေတဲ့) ဗိုင်းရပ်မဟုတ်ပါဘူး။ 

          ထိုနည်းလည်းကောင်းပါပဲ။ “မီးလောင်နေတယ်၊ ညာဖက်အခန်းထောင့်မှာ အရေးပေါ် အပေါက်ရှိတယ်” ဆိုတဲ့ အော်သံမှာ အန္တရာယ်မီးမ် ပါရှိတယ်၊ ဒီမီးမ်ကို ကပ်ပါးပြုတဲ့ “အရေးပေါ်အပေါက်က ညာဖက်မှာ ရှိကြောင်း” မီးမ်တစ်ခုပါသေးတယ်။ မီးမလောင်ရင် အရေးပေါ်အပေါက်ကို ဘယ်သူမှ စိတ်မဝင်စားပါဘူး။ တနည်းအားဖြင့် ဒီမီးမ်က လူတွေကြားထဲ ပျံ့ပွားဖို့ မလွယ်ပါဘူး။ ဒါပေမယ့် “မီးလောင်ခြင်း”လို အန္တရာယ်မီးမ်တစ်ခုနဲ့ ဆက်စပ်လိုက်တဲ့အခါ နဂိုက ပျံ့ဖို့ မလွယ်တဲ့ “အရေးပေါ်အပေါက်” မီးမ်က လူတွေကြားထဲ လွယ်ကူစွာ ပျံ့နှံ့သွားတယ်။ စင်စစ် ဒီ မီးမ်က စိတ်ဗိုင်းရပ် တစ်မျိုးပါပဲ။ ဒါပေမယ့် ဆိုးကျိုးမပေးတဲ့ စိတ်ဗိုင်းရပ်ပေါ့။

          ဗိုင်းရပ်က ပျံပွားရေးစနစ်တစ်ခုကို အသုံးချတဲ့အခါ လက္ခဏာ လေးရပ် ရှိတတ်ပါတယ်။ အရင်ဆုံး ဗိုင်းရပ်က ပျံပွားရေးစနစ်ကို ဖောက်ထွင်း ဝင်ရောက်ရတယ်။ ဒုတိယလက္ခဏာရပ်ကတော့ ပျံပွားရေးစနစ်ကို အသုံးချပြီး သူ့ကိုယ်သူ ပျံ့ပွားအောင် လုပ်ခြင်းပဲ။ တတိယတစ်ခုကတော့ နောက်ထပ် ပျံပွားရေးစနစ် အသစ်တွေဆီကို ကူးစက်သွားခြင်း ဖြစ်တယ်။ တခါတရံ ရှိတတ်တဲ့ စတုတ္ထတစ်ခုကတော့ ပျံပွားရေးစနစ်ကို ထူးခြားတဲ့ ညွှန်ကြားမှုတွေ ပေးခြင်းပဲ ဖြစ်တယ်။

          “မီးလောင်နေတယ်!” ဆိုတဲ့ အန္တရာယ်မီးမ်ကို မှီခိုနေတဲ့ “ညာဖက်အရေးပေါ်အပေါက်” မီးမ်ဟာ ခုနကပြောခဲ့သလို လူတွေဆီ ထိုးဖောက်ဖို့လွယ်ပါတယ်။ ပြီးရင်တော့ ဒုတိယအဆင့်နဲ့ တတိယအဆင့်တွေအနေနဲ့ တခြားလူတွေကို မီးလောင်တဲ့သတင်းကို အတိအကျ ဆက်လက်ဖြန့်ဝေတယ်။ အောက်ထပ်ကလူက မီးလောင်တာ သိတော့ အပေါ်ထပ်ကလူကို ဆက်သွယ် အသိပေးတာမျိုးပေါ့။ စတုတ္ထအဆင့်မှာ မီးမ်ဗိုင်းရပ်က လူကို ဘယ်လိုပြုမူရမလဲ ညွှန်ကြားတယ်။ ညာဖက်မှာ ရှိတဲ့ အရေးပေါ်အပေါက်ကနေ ထွက်ပြေးဖို့ပေါ့။

မီးမ်တွေရဲ့ ဆင့်ကဲပြောင်းလဲမှုလူသားတွေအပေါ် မီးမ်တွေရဲ့ သက်ရောက်မှု

          ဗီဇတွေက ဗီဇဖောက်ပြန်မှုတွေဖြစ်လို့ ဗီဇမျိုးကွဲ အသစ်တွေ ပေါ်ပေါက်လာသလိုပဲ၊ မီးမ်တွေဟာလည်း လူတစ်ယောက်ကနေ တစ်ယောက်ကို ပျံ့သွားတဲ့အခါ ကွဲလွဲမှုတွေ ဖြစ်လာပါတယ်။ နဂို မီးမ်ကို အခြေခံပြီး တီထွင်မှု အသစ်တွေဖြစ်လာတယ်။ ဒီကနေ ခပ်ဆင်ဆင် တူတဲ့ မီးမ်အသစ်တွေ ဖြစ်လာတာပေါ့။ အတော်ဆုံးရဲ့ ရှင်ကျန်မှု (Survival of the Fittest) ကနေ နောင်ပြောင်ပြောဆိုရင်း အဝဆုံးရဲ့ ရှင်ကျန်မှု (Survival of the Fattest) လို စကားစု ထွင်လိုက်ရင် မူလ မီးမ်ကနေ ဖောက်ပြန်လာတဲ့ မီးမ်အသစ်ပဲပေါ့။ ချို့ယွင်းနေတဲ့ သိပ္ပံအယူအဆတစ်ခုကို တစ်စုံတစ်ယောက်က မွမ်းမံပြင်ဆင်လိုက်ရင်လည်း မူလအယူအဆက ပေးတဲ့ မီးမ်က ဖောက်ပြန်သွားတာပဲ။ မူလမီးမ်နဲ့ မီးမ်အသစ်က သိပ္ပံပညာရှင်တွေရဲ့ စိတ်မှာ နေရာယူဖမ်းစားဖို့ အားထုတ်ကြပေမယ့် ဒီနေရာမှာတော့ သက်သေအထောက်အထားနဲ့ ကိုက်ညီတဲ့ မီးမ် ကို သိပ္ပံပညာရှင်တွေက ပိုလက်ခံကြလို့၊ ပိုအောင်မြင်သွားမှာပဲ။ ဖက်ရှင်နဲ့ ပတ်သက်တဲ့ မီးမ်တွေဆိုလည်း ထိုနည်းလည်းကောင်းပဲ။ ခေတ်ကာလနဲ့ လျော်ညီပြီး လူကြိုက်များတဲ့ ဖက်ရှင်က မလျော်ညီတဲ့ ပြိုင်ဖက် ဖက်ရှင်ကို ယှဉ်ပြိုင်အနိုင်ယူသွားမှာပါပဲ။

          လူသားတွေမှာလည်း အခြားသတ္တဝါတွေ နည်းတူ အန္တရာယ်၊ အစားအစာ၊ မျိုးဆက်သစ် ဖြန့်ဝေခြင်း ဆိုတာတွေကို လုပ်ဆောင်ရတယ်။ အန္တရာယ်နဲ့ ပတ်သက်လာရင် ခုခံတိုက်ခိုက်ခြင်းအတွက် ဒေါသ၊ ထွက်ပြေးလွတ်မြောက်ခြင်းအတွက် အကြောက်တရား၊ အစားအစာ ရှာဖွေဖို့ ဆာလောင်ခြင်း၊ နဲ့ မျိုးဆက်သစ် ပြုလုပ်ဖို့ ကာမရာဂစိတ် တွေ လိုအပ်တယ်။ ဒီစိတ်တွေကို ဖြစ်ပေါ်စေတဲ့ သို့မဟုတ် ဆက်စပ်တဲ့ မီးမ်တွေက လူတွေ ပိုအာရုံစိုက်ခံရပါတယ်။ လူ့ယဉ်ကျေးမှုထဲမှာတော့ ဒီ့ထက်ပိုတဲ့ အခြေအနေတွေ ရှိတယ်။ အကျပ်အတည်း(Crisis)၊ ပြဿနာ (Problem)၊ အန္တရာယ် (Danger)၊ ဦးတည်ချက်ပန်းတိုင် (Mission)၊ အခွင့်အလမ်း (Opportunity) စတဲ့ အခြေအနေတွေနဲ့ ဆက်စပ်ရင် မီးမ်တွေက ပိုမို ပျံ့နှံ့လွယ်ကြတယ်။ လူတွေကို ဖမ်းစားမယ့် မီးမ်တွေရဲ့ ပြိုင်ပွဲမှာ ဒီ မီးမ်တွေက စိုးမိုးလေ့ရှိတယ်။ “အီဘိုလာရောဂါ အကြောင်းနဲ့ ကာကွယ်နည်းများ” ဆိုတဲ့ စာအုပ်ခေါင်းစဉ်ဆိုရင် အန္တရာယ်နဲ့ ဆက်စပ်တဲ့ မီးမ်ပါပဲ။ ဒီလို စာအုပ်ခေါင်းစဉ်မှာ အန္တရာယ်နဲ့ ဆက်စပ်တဲ့ မီးမ် ပါရှိတာကြောင့် အဲဒီ့ စာအုပ် အလွန်ရောင်းကောင်းမှာပါ။ “ကြီးပွားရေးလမ်းညွှန်”ဆိုတာ တက်ကျမ်းစာအုပ်ဆန်ဆန် နာမည်မျိုးပေါ့။ သူကတော့ အခွင့်အလမ်းနဲ့ ဆက်စပ်တဲ့ မီးမ်တွေ အများကြီး ပါတဲ့ စာအုပ်ဖြစ်တယ်။ ဒီလိုမီးမ် ပါတဲ့ အကြောင်းအရာတွေက တခြားအကြောင်းအရာတွေထက် ပိုပြီး ဆွဲဆောင်မှုရှိပါတယ်။

          ဒါကြောင့် မီးမ်တွေဟာ ဖောက်ပြန်ပြောင်းလဲတဲ့အခါ အထက်မှာ ဖော်ပြခဲ့တဲ့ ရုပ်နဲ့စိတ် အခြေအနေတွေနဲ့ ဆက်စပ်တဲ့ဖက်ကို ဦးတည်လေ့ရှိတယ်။ မီးမ်ရဲ့ မူလရည်ရွယ်ချက်တွေဟာ ဖောက်ပြန်လာတဲ့ မီးမ်တွေမှာ ပိုမိုချွတ်ချော်လာတတ်ပါတယ်။ မီးမ်တွေနဲ့ တည်ဆောက်ထားတဲ့ လူ့အဖွဲ့အစည်းရဲ့ စည်းမျဉ်းတွေ ပြိုကျလေ့ရှိတာ၊ အဂတိလိုက်စားမှုတွေ ဖြစ်ရတာဟာ ဒီဖြစ်စဉ်နဲ့ ရှင်းပြနိုင်ကောင်းပါတယ်။ မီးမ်တွေဟာ ဖောက်ပြန်တတ်ကြောင်းနဲ့ ဖောက်ပြန်တဲ့အခါ ဖြစ်လေ့ဖြစ်ထရှိတဲ့ ဦးတည်ချက်တွေကို သိရှိထားရင် ကျွန်တော်တို့ ကိုယ်တိုင် မီးမ်တွေကို ဖန်တီးရန်၊ သို့မဟုတ် အသုံးချရန်၊ ပြီးနောက် ဆက်လက်ထိန်းသိမ်းရန် အတွက် အသုံးတည့်ပါတယ်။

          ဗီဇများလိုပဲ မီးမ်တွေမှာလဲ သူတို့ကိုယ်တိုင်ကို များစွာကျော်လွန်ပြီး အကျိုး သက်ရောက်မှုရှိပါတယ်။ တစ်ချို့ မီးမ်တွေ (ဥပမာ- မီးမွှေးအတတ် မီးမ်၊ အဝတ်အစား မီးမ်) တွေမှာ ကြီးမားတဲ့ အကျိုး သက်ရောက်မှုတွေ ရှိပါတယ်။ တစ်ချို့ မီးမ်တွေဆိုရင်လည်း သူတို့ကို လက်ခံတဲ့ လူတွေ အပေါ် ကောင်းမွန်တဲ့ အကျိုးသက်ရောက်မှုရှိတယ်။ ဥပမာဆိုရင်တော့  ‘အသွားမတော်တစ်လှမ်း၊ အစားမတော် တစ်လုတ’် ဆိုတဲ့ စကားပုံမျိုး။ ‘နှလုံးနဲ့ အဆုတ်ကို ဓာတ်ရိုက်ပြီး ပြန်အလုပ်လုပ်အောင် နှိုးဆွခြင်း’။ ‘အိမ်သာသုံးပြီး လက်ကို ဆပ်ပြာဖြင့် စင်ကြယ်အောင် ဆေးခြင်း’ ဆိုတဲ့ ကျန်းမာရေး သင်ကြားချက်မျိုး စတာတွေပေါ့။ သို့ပေမယ့် မီးမ်တွေရဲ့ ကူးစက်နိုင်စွမ်းနဲ့ ဗီဇတွေရဲ့ ကူးစက်နိုင်စွမ်းတွေကတော့ မတူပြန်ဘူး။ တစ်ချို့မီးမ်တွေကတော့ ပြင်းထန်တဲ့ ကူးစက်မှု စွမ်းအားတွေရှိကြတယ်။ ကူးစက်လာတဲ့ အလျောက်မှာလည်း ဘေးဖြစ်ဆိုးကျိုးတွေ အရာထင်ကျန်ခဲ့တတ်တယ်။ အယူသည်းမှုတွေ (Superstitions)၊ ရောဂါရစေတဲ့ ဆေးအတုအယောင်တွေ (Patent Medicines)၊ စိတ်နယ်လွန်တန်ခိုးနဲ့ ခွဲစိတ်ခြင်း (Psychic Surgery) (ရုပ်ပိုင်းဆိုင်ရာ ခွဲစိတ်ကုသခြင်း မလုပ်ပဲ စိတ်မှန်းနဲ့ ဗိုက်ကိုခွဲပြ၊ စိတ်မှန်းနဲ့ အညစ်အကြေးကို ထုတ်ယူ ပြတာမျိုးတွေ)၊ လူမျိုးခွဲခြား ဆက်ဆံရေးကို အားပေးထောက်ခံတဲ့ ပုံပြင်ဇာတ်လမ်းတွေ (Racist Myths) စတာမျိုးပေါ့။
မီးမ်တွေဟာလည်း ဗီဇ (ဂျင်းန်)တွေလိုပဲ။ ရုပ်လောကရဲ့ သဘာဝတရားမှာ မှန်ကန်ခြင်း၊ မှားယွင်းခြင်း၊ ကောင်းကျိုးပြုခြင်း၊ ဆိုးကျိုးဖြစ်ခြင်း ဆိုတာတွေနဲ့ မလည်ပတ်ပါဘူး။ ပျံ့နှံ့ပုံတူကူးတဲ့ ပစ္စည်းတွေသာ ဖြစ်တာနဲ့အညီ ပိုမို ပျံ့နှံ့နိုင်စွမ်း ရှိတဲ့ မီးမ် သို့မဟုတ် ဗီဇကသာ လွှမ်းမိုးသွားတာပဲ။ ဘာကြောင့်လဲဆိုတော့ ရုပ်သဘော ပွားများမှုကို အားပေးတဲ့ အရာတွေက ရုပ်လောကမှာ ကြီးစိုးလေ့ ရှိတာ ဓမ္မတာဖြစ်လို့ပါပဲ။

          မီးမ်တချို့ဟာ ဆိုးကျိုးဖြစ်ထွန်းစေလို့ လူကြိုက်မများပေးမယ့် ပျံ့ပွားလွယ်တဲ့ မီးမ်တွေကို အသုံးချပြီး (ဆိုးကျိုးဖြစ်စေတဲ့) မီးမ်ဗိုင်းရပ်တွေ ဘယ်လိုအောင်မြင်ပျံ့နှံ့ပြီး လူ့အဖွဲ့အစည်းကို ဒုက္ခပေးနိုင်သလဲဆိုတာ သတင်းအချက်အလက် သိပ္ပံပညာ အနေနဲ့ အမှန်တကယ် လေ့လာသင့်တဲ့ အကြောင်းအရာတွေပဲ။ ထိုနည်းတူ ကျန်းမာရေးဗဟုသုတ ဆိုင်ရာ မီးမ်တွေကို ကောင်းမွန်တဲ့မီးမ်တွေကို လူထုလက်ထဲ ပိုမို ပျံ့ပွားအောင် တခြား ပျံ့နှံ့လွယ်တဲ့ မီးမ်တွေနဲ့ တွဲဖက် အသုံးချနိုင်ရင် သိပ်ကောင်းပါတယ်။ မီးမ်သီအိုရီဟာ ယနေ့ခေတ် သတင်းအချက်အလက်တွေ ပျံ့ပွားပုံ၊ ဖောက်ပြန်ပုံ၊ သတင်းအချက်အလက်နှင့်လူသား အပြန်အလှန် စိုးမိုး အသုံးချပုံတွေကို လေ့လာတာဖြစ်လို့ ယနေ့ သတင်းအချက်အလက်ခေတ်အတွက် အရေးပါတဲ့ အယူအဆတစ်ခုဖြစ်တယ်။ ကျွန်တော်တို့တွေ အရင်တုန်းက လူ့ယဉ်ကျေးမှု ဆင့်ကဲဖြစ်စဉ် (Cultural Evolution) ကို တီထွင်မှုနဲ့ တိုးတက်မှု စံနှုန်းတွေအရ သတ်မှတ်ခဲ့ကြတယ်။ ဒီစံနှုန်းတွေက လူမျိုး သို့မဟုတ် ယဉ်ကျေးမှု ဗဟိုပြုစံနှုန်းတွေ ဖြစ်နေပြီး အများသဘောတူညီတဲ့ စံနှုန်းတွေ မဟုတ်ခဲ့တာကြောင့် အလွန်အငြင်းပွားဖွယ်ရာ ဖြစ်တယ်။ မီးမ်အယူအဆကတော့ သတင်းအချက်အလက်တွေကို အရှိအတိုင်း ရှုမြင်ဖို့ ကြိုးပမ်းတာကြောင့် ပိုပြီး အများသဘောတူနိုင်တဲ့ စံနှုန်းမျိုး ရှိပါတယ်။ Richard Dawkins , Susan Blackmore, Gibran Burchett, Leveious Rolando, Larry Lottman, Aaron Lynch စတဲ့ သိပ္ပံပညာရှင်တွေက ဒီအယူအဆကို ထုတ်ဖော်ဆွေးနွေး ခဲ့ကြပါတယ်။ သိပ္ပံအသိုင်းအဝိုင်းမှာ များစွာ မကျယ်ပျံ့သေးပေမယ့် တချိန်မှာ ဒီအယူအဆကို ပိုမို ခိုင်လုံအောင် အထောက်အထားနဲ့ တိုးချဲ့နိုင်ရင် အလားအလာ ရှိတဲ့ သိပ္ပံအယူအဆ တစ်ခုပဲဖြစ်ပါတယ်။

ဘယ်သူက အရှင်သခင်လဲ

          ဒဿနပညာရှင် ဖရက်ဒ် ဒရက်စခ် (Fred Dretske) ကတော့ သက်ရှိတွေက သူတို့ရှင်သန်ဖို့ သတင်းအချက်အလက်တွေကို အသုံးချတယ်လို့ ပြောပြဖူးတယ်။ သို့ပေမယ့် Richard Dawkins ရဲ့ မီးမ်အယူအဆမှာတော့ သတင်းအချက်အလက်တွေကလည်း သူတို့ မျိုးနွယ်တွေ ရပ်တည်ဖို့ သက်ရှိတွေကို အသုံးချနေတယ်လို့ ထပ်ဖြည့်ရမလို ဖြစ်နေပါတယ်။ 

          ဇီဝလောကသားတွေဟာ သတင်းအချက်အလက် လောကကို မမြင်နိုင်ပါဘူး။ ဒီလောကဟာ မီးမ်ခေါ်တဲ့ သတင်း အချက်အလက် လောကသား တွေနဲ့ ပွရှုပ်နေတဲ့ အပြိုင်လောကတစ်ခု ဖြစ်ပါတယ်။ သတင်းအချက်အလက်ဆိုတာ ဆုပ်ကိုင်မရတဲ့ စိတ္တဇနာမ် ဖြစ်နေတာမို့ တစ္ဆေသရဲတွေလိုပါပဲ။ ဒါပေမယ့် ကမ္ဘာပေါ်က သက်ရှိတွေအထဲ ကျွန်တော်တို့ လူသားတွေကသာ ဒီလောကနှစ်ခုအကြား တစ်ချိန်တည်း နေနေကြပါတယ်။ လူသားဟာ ကျန်တဲ့ သက်ရှိတွေထက် များပြားအဆင့်မြင့်တဲ့ သတင်းအချက်အလက်တွေနဲ့ နေလာကြပါတယ်။ ကျွန်တော်တို့ဟာ ဒီလောကနှစ်ခုထဲမှာ တစ်ပြိုင်တည်း နေလာခဲ့ကြတာ အချိန်ကြာပေမယ့် ဖုံးကွယ်နေတဲ့ မီးမ်လောကကို သိရှိခံစားလာ နိုင်ကြတာတော့ မကြာသေးပါဘူး။ ယခုအခါမှာတော့ ကျွန်တော်တို့တွေဟာ သတင်းအချက်အလက်တွေနဲ့ ဖွဲ့စည်းထားတဲ့ မီးမ်ပေါင်းများစွာ ကိုတွေ့ရှိနေကြပါပြီ။ သူတို့ ရှင်သန်နိုင်အောင် မီဒီယာတွေ၊ နည်းပညာတွေ အများအပြားနဲ့ ထိန်းသိမ်း ကူညီပေးထားတာက ကျွန်တော်တို့ ကိုယ်တိုင်ပါ။

          ဒါပေမယ့် သင် စတင်ကြားဖူးတည်းက ကြိုက်ခဲ့တဲ့ သံစဉ်တစ်ခု သင့်နားထဲမှာ ပဲ့တင်ထပ်စွဲငြိတဲ့အခါ၊ ရုတ်တရက်ထွက်ပေါ်လာတဲ့ အိုင်ဒီယာ အမြင်သစ်တစ်ခုကြောင့် ဖက်ရှင်တွေ၊ လုပ်နည်းလုပ်ထုံးတွေ လုံးဝဆန်းသစ်သွားတဲ့အခါ ဒါမှမဟုတ် လုပ်ကြံဇာတ်လမ်း (Hoax) တစ်ခု ကမ္ဘာသားတွေ နှုတ်ဖျားမှာ လပေါင်းများစွာ စွဲငြိပြီး ပျောက်ကွယ်တဲ့အခါမှာလဲ သူစွဲငြိခဲ့တုန်းကလိုပဲ အလျင်အမြန် ကိုယ်ယောင်ဖျောက် ထွက်ခွာ သွားတဲ့အခါ၊ ဘယ်သူက ဘယ်သူကို အရူးလုပ်တာလဲ။ ဘယ်သူက သခင်လဲ။ ဘယ်သူက ကျွန်လဲ။ ကျွန်တော်တို့လား။ သရဲတစ္ဆေယောင်ယောင် သတင်းအချက်အလက်လောကသားတွေလား။

“ဘယ်သူက သခင်လဲ။ ကျွန်တော်တို့လား။ မီးမ်တွေလား။” – ဒဿနပညာရှင် ဒန်နီယယ် ဒန်းနတ် (Daniel Dannett)

~ Kyaw Zwar Lynn
December 2014

References -
Virus of the Mind - The New Science of the Meme By Richard Brodie (MS Word Developer)
What Defines A Meme - By James Gleick – Smithsonian Magazine May 2011 Issue, Retrieved from - www.smithsonianmag.com/arts-culture/what-defines-a-meme-1904778/